ചൈനയില്‍ അനധികൃതമായി കല്‍ക്കരി ഖനിയില്‍ പ്രവേശിച്ച ഒന്‍പതു പേര് മരിച്ചു
ചൈനയില്‍ അനധികൃതമായി കല്‍ക്കരി ഖനിയില്‍ കടന്ന ഒന്‍പതുപേര്‍ മരണടഞ്ഞു. ചൈനയിലെ ഫ്യൂജിയാന്‍ പ്രവിശ്യയിലുളള ഖനിയിലാണ് ഇവര്‍ കയറിയത്. 12 പേരടങ്ങുന്ന സംഘം അനധികൃതമായി ഖനനം നടത്തുന്നതിനാണ് ഖനിയിയില്‍ പ്രവേശിച്ചത്. എന്നാല്‍ മൂന്നുപേര്‍ ഖനിക്ക് പുറത്ത് നില്‍ക്കുകയും ഒന്‍പതുപേര്‍ ഉളളിലേക്ക് കടക്കുകയും ചെയ്തു. അകത്തേക്ക് കയറിയവര്‍ ഏറെ നേരമായിട്ടും പുറത്തേക്കെത്താതിനാല്‍ മറ്റ് മൂന്നുപേര്‍ത്തന്നെ പോലീസിനെ വിവരമറിയിക്കുകയായിരുന്നു.
രക്ഷാപ്രവര്‍ത്തകര്‍ ഖനിക്കുളളിലേക്ക് കടന്നുവെങ്കിലും കാര്‍ബണ്‍ മോണോക്‌സൈഡിന്റെ അതിപ്രസരം മൂലം ഇവര്‍ക്ക് പിന്മാറേണ്ടിി വന്നു. ശനിയാഴ്ച്ച ഖനിക്കുള്ളില്‍ കയറിയ ഒന്‍പതുപേരുടെയും മൃതദേഹം ഞായറാഴ്ച്ചയാണ് കണ്ടെത്താനായത്. അനധികൃത ഖനനത്തിനായെത്തിയ 12 അംഗസംഘത്തിലെ ഒരാളെ പോലീസ് അറസ്റ്റ് ചെയ്തു. കുറ്റക്കാരനെന്നു സംശയിക്കുന്ന ഷെന്‍ വംശജനായ ആളെയാണ് പോലീസ് അറസ്റ്റ് ചെയ്തത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
