ആസ്‌ട്രേലിയന്‍ പ്രധാനമന്ത്രിയായി ആന്റണി ആല്‍ബനീസ് അധികാരമേറ്റു... കാന്‍ബെറയിലെ സര്‍ക്കാര്‍ കെട്ടിടത്തില്‍ നടന്ന ചടങ്ങിലാണ് 59 കാരനായ ആല്‍ബനീസ് സ്ഥാനമേറ്റത്
23 MAY 2022 11:55 AM IST
മലയാളി വാര്‍ത്ത
ആസ്‌ട്രേലിയന്‍ പ്രധാനമന്ത്രിയായി ആന്റണി ആല്‍ബനീസ് അധികാരമേറ്റു. സ്ഥാനമേറ്റ് മണിക്കൂറുകള്‍ക്കകം ക്വാഡ് ഉച്ചകോടിയില്‍ പങ്കെടുക്കാന്‍ അദ്ദേഹം ജപ്പാനിലേക്ക് തിരിച്ചു.
കഴിഞ്ഞ ഒരു പതിറ്റാണ്ടിനിടയില്‍ ആദ്യമായാണ് ലേബര്‍ പാര്‍ട്ടിയില്‍ നിന്ന് ഒരാള്‍ പ്രധാനമന്ത്രിയാകുന്നത്. കാന്‍ബെറയിലെ സര്‍ക്കാര്‍ കെട്ടിടത്തില്‍ നടന്ന ചടങ്ങിലാണ് 59 കാരനായ ആല്‍ബനീസ് സ്ഥാനമേറ്റത്. കാലാവസ്ഥ വ്യതിയാനത്തിന് പരിഹാരം കാണാന്‍ ലോകരാജ്യങ്ങള്‍ക്കൊപ്പം പ്രവര്‍ത്തിക്കാന്‍ ഓസ്‌ട്രേലിയ തയ്യറാണെന്ന് ആല്‍ബനീസ് പറഞ്ഞു.
ശനിയാഴ്ച്ച നടന്ന തെരഞ്ഞെടുപ്പില്‍ കണ്‍സര്‍വേറ്റീവ് പാര്‍ട്ടി സ്ഥാനാര്‍ഥി സ്‌കോട്ട് മോറിസനെ പരാജയപ്പെടുത്തിയാണ് ലേബര്‍ പാര്‍ട്ടി സ്ഥാനാര്‍ഥി ആല്‍ബനീസ് വിജയം സ്വന്തമാക്കിയത്.
"
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
