'ഉക്രൈനിനെ പുനര്നിര്മ്മിക്കാന് റഷ്യന് സ്വത്ത് കണ്ടുകെട്ടണം, മുഴുവന് ചെലവും പുടിന്റെ തലയില് കെട്ടിവെക്കണം'; പുടിനെ മലര്ത്തിയടിച്ച് 4രാജ്യങ്ങള്; ഇത് അഹങ്കാരത്തിന് കിട്ടിയ കൂലി..
യുക്രൈന് എന്ന രാജ്യത്തിന്റെ പ്രധാന നഗരങ്ങളെല്ലാം തന്നെ റഷ്യന് ആക്രമിച്ച് കീഴടക്കി. മാസങ്ങളായി തുടരുന്ന ആക്രമണത്തില് പല പ്രധാന നഗരങ്ങളും ഇപ്പോള് പ്രേത നഗരമായി മാറിയിരിക്കുകയാണ്. ഇപ്പോഴിതാ ഉക്രൈനിനെ പുനര്നിര്മ്മിക്കണമെന്ന് ആവശ്യപ്പെട്ട് രംഗത്ത് വന്നിരിക്കുകയാണ് നാല് യൂറോപ്യന് യൂണിയന് രാജ്യങ്ങള്.
അതേസമയം റഷ്യയുടെ സ്വത്തുക്കള് ഉപയോഗിച്ച് തന്നെ വേണം ഉക്രൈനിനെ പുനരുജ്ജീവിപ്പിക്കാന് എന്ന നിര്ദേശവും ഇവര് മുന്നോട്ട് വെക്കുന്നുണ്ട്.
റഷ്യയുടെ കൊലവെറിയെ എതിര്ത്തും യുദ്ധം അവസാനിപ്പിക്കണമെന്നും ലോകത്തിന്റെ വിവിധ കോണുകളില് നിന്ന് ആവശ്യങ്ങള് ഉയരുന്നതിനിടയിലാണ് രാജ്യങ്ങള് രംഗത്ത് വന്നിരിക്കുന്നത്. ലിത്വാനിയ, സ്ലൊവാക്യ, ലാത്വിയ, എസ്റ്റോണിയ എന്നീ രാജ്യങ്ങളാണ് യൂറോപ്യന് യൂണിയന് മരവിപ്പിച്ച റഷ്യയുടെ സ്വത്തുക്കള് ഉപയോഗിച്ച് ഉക്രൈന്റെ പുനരുദ്ധാരണ പ്രവര്ത്തികള്ക്ക് ഫണ്ട് ചെയ്യണമെന്ന ആവശ്യം മുന്നോട്ടുവെച്ചത്.
ഇതിന് വേണ്ടി റഷ്യയുടെ സ്വത്തുക്കള് കണ്ടുകെട്ടണമെന്നും അവര് ആവശ്യപ്പെടുന്നുണ്ട്. ഈ നാല് രാജ്യങ്ങളും സംയുക്തമായാണ് യൂറോപ്യന് യൂണിയന് ഇക്കാര്യം ആവശ്യപ്പെട്ട് കത്ത് നല്കിയിരിക്കുന്നത്.
ഉക്രൈനിലെ ഡോണ്ബാസ് മേഖലയുടെ ഉള്പ്പടെ നിയന്ത്രണം റഷ്യ ഏറ്റെടുത്തിരിക്കുകയാണ്. വലിയ ആള് നാശവും മറ്റ് ഭീകര നാശ നഷ്ടങ്ങളുമാണ് റഷ്യ ഈ മേഖലയില് ഉണ്ടാക്കായിരിക്കുന്നത്. യുദ്ധം മൂന്ന് മാസം പിന്നിടുമ്പോഴാണ് ഡോണ്ബാസ് മേഖലയില് റഷ്യ ശക്തമായ അക്രമണം നടത്തിയത്. നേരത്തെ ഉക്രൈനിന്റെ ഉരുക്കുകോട്ട എന്ന് വിശേഷിപ്പിക്കുന്ന മരിയുപോളും റഷ്യന് സേന കീഴടക്കിയിരുന്നു. ഓരോ തെരുവുകളും കത്തിക്കരിച്ചിട്ടിരിക്കുകയാണ് റഷ്യന് സൈനികര്.
അതേസമയം, ഉക്രൈനെ പുനര്നിര്മ്മിക്കാന് ഏകദേശം 600 ബില്യണ് ഡോളര് ചിലവ് വരുമെന്നാണ് ഉക്രൈന് പ്രസിഡന്റ് വൊളോഡിമിര് സെലന്സ്കി നേരത്തെ വ്യക്തമാക്കിയത്. എന്നാല് റഷ്യ പോരാട്ടം അവസാനിപ്പിക്കാന് തയ്യാറാകാത്തതിനാല് സെലന്സ്കിയുടെ കണക്കുകളേക്കാള് കൂടുതല് തുക വേണ്ടിവരുമെന്നാണ് ഇപ്പോള് പുറത്തുവരുന്ന റിപ്പോര്ട്ടുകള് പറയുന്നത്.
'റഷ്യയുടെ സൈനിക അധിനിവേശത്തിന് ഇരകളായവര്ക്കുള്ള നഷ്ടപരിഹാരമടക്കം ഉക്രൈന്റെ പുനര്നിര്മാണത്തിന് വേണ്ട ചിലവുകളില് വലിയൊരു പങ്ക് റഷ്യ തന്നെ വഹിക്കണം,' രാജ്യങ്ങള് നല്കിയ കത്തില് പറയുന്നു. വാര്ത്താ ഏജന്സിയായ റോയിട്ടേഴ്സാണ് ഈ വിവരം പുറത്തുവിട്ടത്. മാത്രമല്ല യൂറോപ്യന് യൂണിയനിലെ 27 അംഗരാജ്യങ്ങളും റഷ്യക്കെതിരെ കൂടുതല് ഉപരോധമേര്പ്പെടുത്തണമെന്നും കത്തില് ആവശ്യപ്പെടുന്നുണ്ട്. 4 രാജ്യങ്ങളും സംയുക്തമായി എഴുതിയ ഈ കത്ത് ഇന്ന് യൂറോപ്യന് യൂണിയന് ധനമന്ത്രിമാര്ക്ക് സമര്പ്പിക്കുമെന്നാണ് സൂചന.
നിലവില് 30 ബില്യണ് യൂറോയോളം വിലമതിക്കുന്ന റഷ്യന് സ്വത്തുക്കള് യൂറോപ്യന് യൂണിയന് മരവിപ്പിച്ചിട്ടുണ്ട്. ഈ കത്ത് യൂറോപ്യന് യൂണിയന് എന്തായാലും മുഖവിലക്കെടുക്കുമെന്ന പ്രതീക്ഷയിലാണ് 4 രാജ്യങ്ങള്. അതിനാല് റഷ്യയുടെ കൂടുതല് സ്വത്തുക്കള് കണ്ടുകെട്ടാനും സാധ്യതയുണ്ട്.
അതേസമയം റഷ്യന് പ്രസിഡന്റ് വ്ലാഡിമര്പുടിനുമായി സംസാരിക്കണം എന്ന് സെലന്സ്കി ഇതിനകം തന്നെ അറിയിച്ചിട്ടുണ്ട്. റഷ്യ യുക്രെയ്ന് യുദ്ധം അവസാനിപ്പിക്കുന്നതുമായി ബന്ധപ്പെട്ടാണ് സെലന്സ്കി ചര്ച്ചക്ക് സന്നദ്ധതയറിയിച്ചത്.
https://www.facebook.com/Malayalivartha