"രക്ഷിക്കണം! തട്ടിക്കൊണ്ട് വന്നതാണ്...." ഭക്ഷണം കഴിച്ച പാത്രത്തിൽ ഉപേക്ഷിച്ച ആ കുറിപ്പ്! കെഎഫ്സി ജീവനക്കാരന്റെ അവസരോചിത ഇടപെടൽ മൂലം ഒരു സ്ത്രീയെ തട്ടിക്കൊണ്ടുപോയ ക്രിമിനലിനെ പിടികൂടി പോലീസ്
യുവാവ് തട്ടിക്കൊണ്ട് പോയ സ്ത്രീയെ രക്ഷിച്ചത് റെസ്റ്റോറന്റിലെ ജീവനക്കാരൻ. നഗരത്തിലെ ഒരു കെഎഫ്സി ജീവനക്കാരന്റെ അവസരോചിത ഇടപെടൽ മൂലം ഒരു സ്ത്രീയെ തട്ടിക്കൊണ്ടുപോയ ക്രിമിനലിനെ പിടികൂടുന്നതിന് നിയമപാലകരെ സഹായിച്ച വാർത്ത വൈറലായി മാറിയിരിക്കുകയാണ്. ഇദ്ദേഹത്തിന് പോലീസിന്റെ ബഹുമതി ലഭിച്ചതായും റിപ്പോർട്ടുകൾ ചൂണ്ടിക്കാണിക്കുന്നു. കഴിഞ്ഞ തിങ്കളാഴ്ചയാണ് അമേരിക്കയിലെ ടെന്നസി സംസ്ഥാനത്തെ മെംഫിസിലെ ഹിക്കോറി ഹില്ലിലുള്ള കെഎഫ്സി റെസ്റ്റോറന്റിൽ ഈ സംഭവമുണ്ടായത്.
ഈ ദിവസം വൈകുന്നേരം ഡീഗൊ ഗ്ലേയ് എന്ന യുവാവിനൊപ്പം ഭക്ഷണം കഴിക്കാനെത്തിയ യുവതിയാണ് തന്റെ ജീവന് അപകടത്തിലാണെന്ന കുറിപ്പ് ജീവനക്കാരന് രഹസ്യമായി കൈമാറിയത്. യുവതിയുടെ മുന് കാമുകനായ ഡീഗോ ഗ്ലേ എന്ന 23 കാരനാണ് പെൺകുട്ടിയെ തട്ടിക്കൊണ്ടുപോയത്. ഇയാളുടെ കയ്യിൽ തോക്കും ഉണ്ടായിരുന്നതായി പോലീസ് കണ്ടെത്തി. എന്നാൽ പെൺകുട്ടി സഹായത്തിനായി ഒരു കുറിപ്പ് രഹസ്യമായി എഴുതിയിരുന്നു.
അത് കെഎഫ്സിയിലെ ജീവനക്കാരന് പ്ളേറ്റിൽ ഉപേക്ഷിക്കുകയാണ് ഉണ്ടായത്. അവര് പോയതിനുശേഷം ഈ എഴുത്ത് ശ്രദ്ധയില്പ്പെട്ട ജീവനക്കാരന്, വിവരം ഉടന്തന്നെ പോലീസിനെ അറിയിക്കുകയുണ്ടായി.
ഇതിനുപിന്നാലെ കെഎഫ്സി ജീവനക്കാരന് കൊടുത്ത അടയാള വിവരങ്ങളെ അടിസ്ഥാനമാക്കി തെരച്ചില് നടത്തിയ പോലീസ്, ഡീഗോ ഗ്ലേയെ കീഴടക്കുകയും യുവതിയെ രക്ഷിക്കുകയുമാണ് ചെയ്തത്. ഇതുവരെയും പേര് വെളിപ്പെടുത്താത്ത ജീവനക്കാരന്റെ സമയോചിത ഇടപെടലിനെ പ്രകീര്ത്തിച്ച് നിരവധിപേരാണ് ഇപ്പോൾ മുന്നോട്ട് വന്നിരിക്കുന്നത്. ഇദ്ദേഹത്തിന് അധികൃതർ ബഹുമതി നൽകിയതായും റിപ്പോർട്ടുകൾ ചൂണ്ടിക്കാട്ടുകയുണ്ടായി.
https://www.facebook.com/Malayalivartha