ആ വേദന താങ്ങാനായില്ല.... തോക്കിന്മുനയില് നിന്ന് വെടിയുണ്ടകള് കുട്ടികള് പതിക്കാതിരിക്കാനായി ചേര്ത്തു പിടിച്ച് തോക്കിനിരയായ അധ്യാപികയുടെ ഭര്ത്താവ് ഹൃദയാഘാതത്തെ തുടര്ന്ന് മരണമടഞ്ഞു..... 18 കുട്ടികള്ക്കും അശ്രുപൂജയര്പ്പിച്ച് അമേരിക്ക, സ്വന്തം പിതാവ് സംസാരശേഷി പോലും നഷ്ടപ്പെട്ട് ആശുപത്രി കിടക്കയില് മരണാസന്നനായി കിടക്കുമ്പോഴും സന്ദര്ശിക്കാന് മനസ്സില്ലെങ്കിലും, ടെക്സാസിലെ ക്രൂരന്റെ തോക്കിനിരയായ കുരുന്നുങ്ങള്ക്ക് ആദരാഞ്ജലി അര്പ്പിക്കാനായി മേഗന് മെര്ക്കല് എത്തി
ആ വേദന താങ്ങാനായില്ല.... തോക്കിന്മുനയില് നിന്ന് വെടിയുണ്ടകള് കുട്ടികള് പതിക്കാതിരിക്കാനായി ചേര്ത്തു പിടിച്ച് തോക്കിനിരയായ അധ്യാപികയുടെ ഭര്ത്താവ് ഹൃദയാഘാതത്തെ തുടര്ന്ന് മരണമടഞ്ഞു..... കഴിഞ്ഞ ദിവസം ടെക്സാസിലെ യുവാല്ഡിയില് എലെമെന്ററി സ്കൂളില് നടന്ന വെടിവെപ്പില് മരണമടഞ്ഞ അദ്ധ്യാപികയുടെ ഭര്ത്താവ് ഹൃദയാഘാതത്തെ തുടര്ന്നാണ് മരണമടഞ്ഞത്
46 കാരിയായ ഇര്മ ഗാര്സിയ എന്ന അദ്ധ്യാപികയുടെ ഭര്ത്താവിനായിരുന്നു ഈ ദുര്വിധി. അയാള് ഹൃദയം പൊട്ടി മരിക്കുകയായിരുന്നു എന്നാണ് ബന്ധുക്കളും സുഹൃത്തുക്കളും പറയുന്നത്. 30 വര്ഷത്തിലേറെക്കാലത്തെ പ്രണയമായിരുന്നു ഇരുവര്ക്കും ഇടയിലുണ്ടായിരുന്നത്. വിവാഹം കഴിഞ്ഞിട്ട് 24 വര്ഷമായി, നാല് കുട്ടികളും ഉണ്ട്. ആ കുട്ടികള്ക്ക് തങ്ങളുടേതല്ലാത്ത തെറ്റിനാണ് ഇപ്പോള് മാതാപിതാക്കള് നഷ്ടമായിരിക്കുന്നു.
ഒരിക്കലും വേരിപിരിയാത്തവണ്ണം അടുത്ത ബന്ധമായിരുന്നു ഇര്മയും ഭര്ത്താവ് ജോയും തമ്മിലുണ്ടായിരുന്നത് എന്ന് ഇവരുടെ കുടുംബ സുഹൃത്തുക്കള് എല്ലാവരും തന്നെ പറയുന്നു. ഇര്മയില്ലാതെ തനിക്ക് ഒറ്റക്ക് ഈ ഭൂമിയില് ജീവിക്കേണ്ടി വരുമെന്ന് ജോ വിചാരിച്ചു കാണുകയേയില്ല ആ ആഘാതത്തിലാണ് അയാള് ഹൃദയം പൊട്ടി മരിച്ചതെന്നും അവര് പറയുന്നു.
ആക്രമണത്തില് നിന്നും രക്ഷപ്പെട്ട കുട്ടികളാണ് മരണമടഞ്ഞ ഇര്മയും ഈവയും തങ്ങളുടെ വിദ്യാര്ത്ഥികളുടെ ജീവന് രക്ഷിക്കാനായി സ്വന്തം ജീവിതം ബലികൊടുക്കുകയായിരുന്നു എന്ന് പുറത്ത് അറിയുന്നത്. രണ്ട് അദ്ധ്യാപികമാരും ആ കറുത്ത നിമിഷങ്ങളില് വെറും അദ്ധ്യാപികമാരല്ലായിരുന്നു,. ആ നിസ്സഹായരായ കുരുന്നുകളുടെ അമ്മമാരായി മാറുകയായിരുന്നു. അക്രമിയുടെ വെടിയുണ്ടകള് കുട്ടികളെ തേടി ചെല്ലാതിരിക്കാന് പരമാവധി കുട്ടികളെ കെട്ടിപ്പിടിച്ച് ഇരുവരും ചെര്ന്ന് കവചം ഒരുക്കി കുഞ്ഞുങ്ങളെ രക്ഷിക്കുകയായിരുന്നു. അങ്ങനെയാണ് ഇരുവരും വെടിയുണ്ടകേളേറ്റുവാങ്ങി മരണമടഞ്ഞത്.
ഇര്മ ഗ്രേസിയ കഴിഞ്ഞ 23 വര്ഷങ്ങളായി ഈ സ്കൂളിലെ അദ്ധ്യാപികയാണ്. ഒരിക്കല് ടീച്ചര് ഓഫ് ദി ഇയര് പുരസ്കാരം നേടിയിട്ടുള്ള ഇവര് ട്രിനിറ്റി യൂണിവേഴ്സിറ്റിയുടെ എക്സലന്സ് ഇന് ടീച്ചിങ് 2019 പുരസ്കാരത്തിനുള്ള ഫൈനലിസ്റ്റും ആയിരുന്നു. സാമൂഹ്യ വിഷയങ്ങളായിരുന്നു അവര് പഠിപ്പിച്ചിരുന്നത്.
അതേസമയം സ്കൂളിലെ ഭാഷാദ്ധ്യാപികയായിരുന്നു ഈവ. അവരുടെ ഭര്ത്താവ് റുബെന് റൂയിസ് പൊലീസ് ഉദ്യോഗസ്ഥനാണ്. ഈ കൂട്ടക്കൊലയെ കുറിച്ച് അന്വേഷിക്കുന്ന സംഘത്തില് അയാളൂമുണ്ട്. പ്രതീക്ഷിച്ചിരിക്കാത്ത നേരത്ത് ഒരു ഭ്രാന്തന് കൊലയാളിയുടെ തോക്കിനിരയാകേണ്ടി വന്ന 19 കുരുന്നുകള്ക്കും രണ്ട് അദ്ധ്യാപികമാര്ക്കും അമേരിക്ക അശ്രുപുഷ്പങ്ങളോടെ വിട നല്കി.
അതേ സമയം, വിദ്യാഭ്യാസ സ്ഥാപനങ്ങളില് ഇത്തരത്തിലുള്ള സംഭവങ്ങള് ആവര്ത്തിക്കുന്നതില് പലരും രോഷാകുലരായി തങ്ങളുടെ വികാരം സമൂഹ മാധ്യമങ്ങളില് പങ്കുവച്ചു. 18 വയസ്സു തികഞ്ഞ ആര്ക്കും നിയമപരമായി തോക്കുകള് വാങ്ങാമെന്ന നിയമത്തിനെതിരെയും ജനരോഷം ആര്ത്തിരമ്പുന്നു.
ആദരാഞ്ജലികളുമായി മേഗന് മെര്ക്കല് എത്തി. സ്വന്തം പിതാവ് സംസാരശേഷി പോലും നഷ്ടപ്പെട്ട് ആശുപത്രി കിടക്കയില് മരണാസന്നനായി കിടക്കുമ്പോഴും സന്ദര്ശിക്കാന് മനസ്സില്ലെങ്കിലും, ടെക്സാസിലെ ക്രൂരന്റെ തോക്കിനിരയായ കുരുന്നുങ്ങള്ക്ക് ആദരാഞ്ജലി അര്പ്പിക്കാനായി മേഗന് മെര്ക്കല് എത്തി. കൂട്ടക്കുരുതി നടന്ന സ്ഥലത്തോട് ചേര്ന്ന് താത്ക്കാലിക സ്മാരകത്തില് അവര് പുഷ്പ ചക്രം അര്പ്പിച്ച് പ്രാര്ത്ഥിക്കുകയും വെളുത്ത പനിനീര് പൂക്കളുടെ പുക്കുല സമര്പ്പിച്ചാണ് നിഷ്കളങ്കരായ കുരുന്നുകള്ക്ക് മേഗന് വിടചൊല്ലിയത്.
തിരിച്ചു പോകുന്നതിനിടയില് യുവാല്ഡി കമ്മ്യുണിറ്റി സെന്ററിലും അവര് സന്ദര്ശിച്ചു. അവിടെ ഒരു രക്തദാന ക്യാമ്പ് നടക്കുകയായിരുന്നു. അവിടത്തെ സൗകര്യങ്ങള് എല്ലാം പരിശോധിച്ച അവര് പിന്നീട് അവിടെ എത്തിയവര്ക്ക് ഭക്ഷണവും നല്കി എന്ന് ക്യാമ്പില് പ്രവര്ത്തിക്കുന്ന ഒരു സന്നദ്ധ പ്രവര്ത്ത്കന് പറഞ്ഞു.പതിവിനു വിപരീതമായി ആള്ക്കൂട്ടമോക്യാമറാ ക്രൂവോ ഇല്ലാതെയാണ് മേഗന് എത്തിയത് എന്നത് ശ്രദ്ധേയമാണ്. താന് ഒരു അമ്മ എന്ന നിലയില് മാത്രമാണ് ഇവിടെ എത്തിയിരിക്കുന്നത് എന്നുമാത്രമായിരുന്നു അവര് പറഞ്ഞത്.
" f
https://www.facebook.com/Malayalivartha