ലോകത്തെ ഏറ്റവും വലിയ ബോംബ് യുക്രൈനില് വിക്ഷേപിച്ച് റഷ്യ; അസോവിനെ തീ ഗോളമാക്കി ലേസര് ഗൈഡഡ് ബോംബ് ഭീമന്
ലോകത്തിലെ ഏറ്റവും വലിയ ലേസര് ഗൈഡഡ് ബോംബ് യുക്രെയ്നില് പ്രയോഗിച്ചെന്ന് റഷ്യന് സേന. സോവിയറ്റ് കാലത്തെ 2എസ്4 ട്യുല്പന് 240 മോര്ട്ടാര് ബോംബാണ് യുക്രെയ്ന് ദക്ഷിണ തീര നഗരമായ മരിയുപോളിലെ അസോവ്സ്റ്റല് ഉരുക്കു നിര്മാണ ശാലക്കു നേരെ പ്രയോഗിച്ചത്. മരിയുപോളിലെ യുക്രൈയ്നിന്റെ അവസാന പ്രതിരോധ കേന്ദ്രങ്ങളിലൊന്നായിരുന്നു ഈ ഉരുക്കു നിര്മാണ ശാല. അഫ്ഗാനിസ്ഥാന്, സിറിയ, ഇസ്രയേല്, ചെച്നിയ തുടങ്ങി പല രാജ്യങ്ങളിലും നാശം വിതച്ച പാരമ്പര്യമുള്ള ആയുധമാണിത്. ഇവിടെ തമ്പടിച്ച യുക്രൈയ്ന് പോരാളികള് കീഴടങ്ങാനുള്ള റഷ്യന് സൈന്യത്തിന്റെ ആവര്ത്തിച്ചുള്ള ഭീഷണികള്ക്ക് വഴങ്ങിയിരുന്നില്ല. ഇതോടെയാണ് ശക്തമായ ആക്രമണത്തിന് റഷ്യന് സൈന്യം മുതിര്ന്നിരിക്കുന്നത്.
2എസ്4 ട്യുല്പന് 240 മോര്ട്ടാര് ബോംബ് മരിയുപോളിലെ ഉരുക്കു നിര്മാണ ശാലക്ക് നേരെ പ്രയോഗിക്കുന്നതിന്റെ ദൃശ്യങ്ങള് പുറത്തുവന്നിട്ടുണ്ട്. 2015ലും യുക്രെയ്നെതിരെ 240 എംഎം മോര്ട്ടാര് റഷ്യ ഉപയോഗിച്ചിട്ടുണ്ട്. പുറം ലോകത്തുള്ളവര് 1975ലാണ് റഷ്യന് നിര്മിത 2എസ്4 ട്യുല്പന് 240എംഎം മോര്ട്ടാര് ബോംബുകളെ അറിയുന്നത്. എം 1975 എന്നായിരുന്നു ഈ ആയുധത്തിന് നാറ്റോ നല്കിയ പേര്. റഷ്യന് ഭാഷയില് തുലിപ് പൂവുകളെ വിളിക്കുന്ന പേരാണ് ട്യുല്പന്. മിനിറ്റില് ഒരെണ്ണം മാത്രം തൊടുക്കാന് കഴിയുന്ന കുറഞ്ഞ ദൂരപരിധിയുള്ള ആയുധമാണിത്. സാധാരണ ബോംബുകള്ക്ക് 130 കിലോഗ്രാമും റോക്കറ്റ് ഘടിപ്പിച്ചവക്ക് 228കിലോഗ്രാമുമാണ് ഭാരം. സാധാരണ 2എസ്4 ബോംബുകള്ക്ക് 9,650 മീറ്ററും റോക്കറ്റ് ഘടിപ്പിച്ചവക്ക് 20,000 മീറ്ററുമാണ് ദൂരപരിധി. കെട്ടിടങ്ങളും ബങ്കറുകളും വിമാനത്താവളങ്ങളുടെ റണ്വേകളുമെല്ലാം തകര്ത്ത് തരിപ്പണമാക്കാന് കഴിയുന്ന ആയുധങ്ങളാണിവ. ഒന്പത് പേരുടെ സംഘമാണ് 2എസ്4 ബോംബുകള് പ്രയോഗിക്കുന്നതിനായി വേണ്ടത്.
കൃത്യതയാണ് ഇത്തരം ലേസര് വഴികാട്ടിയായ ബോംബുകളുടെ പ്രധാന പ്രത്യേകത. അതീവ കൃത്യതയോടെ ആക്രമണങ്ങള് നടത്താനാവുമെന്നതിനാല് ആക്രമണങ്ങളുടെ എണ്ണം കുറയ്ക്കാനും സാധിക്കും. അഫ്ഗാനിസ്ഥാനിലും ചെച്നിയയിലും ഇത് റഷ്യന് സേന പരീക്ഷിച്ചു വിജയിച്ചിട്ടുണ്ട്. 2000ത്തിലെ രണ്ടാം ചെച്നിയന് യുദ്ധത്തില് 127 ലക്ഷ്യസ്ഥാനങ്ങളെയാണ് ഗ്രോസ്നി നഗരത്തില് ഈ ബോംബുകള് തകര്ത്തത്. ഈ കടുത്ത മോര്ട്ടാര് ആക്രമണത്തിന് പിന്നാലെ ഗ്രോസ്നി നഗരം ഏതാണ്ട് പൂര്ണമായി തന്നെ റഷ്യന് നിയന്ത്രണത്തിലാവുകയും ചെയ്തു.
മരിയുപോളിലെ യുക്രെയ്ന് പ്രതിരോധത്തിന്റെ അവസാന കേന്ദ്രമായി അസോവ്സ്റ്റല് ഉരുക്കു നിര്മാണ ശാല മാറിയിരുന്നു. നിരവധി ഭൂഗര്ഭ തുരങ്കങ്ങളും ഈ ഉരുക്കു നിര്മാണ ശാലയോട് അനുബന്ധമായി ഉണ്ടായിരുന്നു. തുരങ്കങ്ങളുടെ പ്രവേശനകവാടങ്ങള് പോലെ ദൗര്ബല്യമുള്ള ഭാഗങ്ങളില് 2എസ്4 ബോംബുകള് പ്രയോഗിച്ചാല് വലിയ നാശനഷ്ടങ്ങള് വരുത്താനാകും.
https://www.facebook.com/Malayalivartha