കാലാവസ്ഥാ വ്യതിയാനം കാരണം മഞ്ഞില്‍ മുങ്ങുന്ന സ്ഥിതിയിലാണ് ഓസ്‌ട്രേലിയ. ശൈത്യത്തോടൊപ്പം ശക്തമായ കാറ്റും പേമാരിയും കൂടിയായതോടെ ഓസ്‌ട്രേലിയയുടെ കിഴക്കന്‍ തീരത്ത് ജനജീവിതം ദുസ്സഹമാണ്. ഓസ്‌ട്രേലിയയുടെ കിഴക്കന്‍ തീരത്ത് അതിശൈത്യകാലാവസ്ഥയ്ക്ക് കാരണമാകുമെന്ന് മുന്നറിയിപ്പ് നല്‍കിയിട്ടുണ്ട്.

സൗത്ത് ഓസ്‌ട്രേലിയ, വിക്ടോറിയ, ടാസ്മാനിയ, തുടങ്ങി തെക്ക്കിഴക്ക് പടിഞ്ഞാറന്‍ ഓസ്‌ട്രേലിയ മുതല്‍ രാജ്യത്തുടനീളം വ്യാപിച്ചുകിടക്കുന്ന പ്രദേശങ്ങളിലും മുന്നറിയിപ്പ് ഇതിനോടകം തന്നെ നല്‍കിയിട്ടുണ്ട്. ഈ വര്‍ഷത്തെ ഏറ്റവും തണുപ്പുള്ള ദിവസമാകും ഇന്ന് എന്നും മുന്നറിയിപ്പുണ്ട്. ഇക്കാര്യത്തില്‍ രാജ്യത്ത് ഇതുവരെയുണ്ടായിരുന്ന റെക്കോര്‍ഡുകള്‍ തകര്‍ക്കപ്പെടുമെന്നും മുന്നറിയിപ്പില്‍ പറയുന്നു.

രാജ്യത്തെ എട്ട് പ്രധാന നഗരങ്ങളില്‍ താപനില ഒറ്റ അക്കത്തിലേക്ക് താഴുമെന്നാണ് മുന്നറിയിപ്പ്. കാന്‍ബെറയില്‍ 1C യായിരുന്നു താപനിലയെങ്കില്‍ ഹോബാര്‍ട്ടില്‍ ഫ്രിജിറ്റ് 4C അനുഭവപ്പെടും. പെര്‍ത്തില്‍ 5C ല്‍ നേരിയ തോതില്‍ മെച്ചപ്പെടും. സിഡ്‌നിയിലും മെല്‍ബണിലും 8C താഴ്ന്ന താപനിലയാണ് തിങ്കളാഴ്ച രേഖപ്പെടുത്തിയത്. ഇന്ത്യന്‍ മഹാസമുദ്രത്തിലുണ്ടാകുന്ന ദ്വിധ്രുവ പ്രതിഭാസം പടിഞ്ഞാറന്‍ ഓസ്‌ട്രേലിയയില്‍ ശക്തമായ മഴയ്ക്ക് കാരണമാകുമെന്നും റിപ്പോര്‍ട്ടുണ്ട്.