യുഎസിന്റെ ബ്രാഹ്മാസ്ത്രം സ്വന്തമാക്കി ഉക്രൈന്! നൂതന സാങ്കേതിക വിദ്യ കണ്ട് റഷ്യയുടെ നെഞ്ചിടിക്കുന്നു; റഷ്യ തിരിച്ചടിക്കുമെന്ന ഭയത്തില് യൂറോപ്യന് രാജ്യങ്ങള്; ഭൂമി സര്വ്വനാശത്തിലേക്ക്..
ഒരു യുദ്ധം ഉണ്ടാകുമ്പോള് അമേരിക്ക തുനിഞ്ഞിറങ്ങുന്നു എന്ന് പറയുമ്പോള് ലോകരാജ്യങ്ങള്ക്ക് മുഴുവന് പേടിയുള്ള കാര്യമാണ്. കാരണം അത്രയും വലിയ സേനാബലവും ആയുധ ബലവും ഈ രാജ്യത്തിനുണ്ട്. ഇപ്പോഴിതാ റഷ്യയെ ഉന്നംവെച്ച് ഉക്രൈനിന് സഹായം നീട്ടിയിരിക്കുകയാണ് അമേരിക്ക.
റഷ്യ നടത്തുന്ന അതിമാരകമായ യുദ്ധത്തില് തകര്ന്ന ഉക്രൈനിന് യു.എസ് ആയുധസഹായം പ്രഖ്യാപിച്ചിരിക്കുകയാണ്.. യുഎസ് പ്രസിഡന്റ് ജോ ബൈഡനാണ് 70 കോടി യുഎസ് ഡോളറിന്റെ ആയുധസഹായം പ്രഖ്യാപിച്ചത്. റഷ്യ യുക്രെയ്നില് അധിനിവേശം തുടങ്ങിയ ശേഷം ഇത് 11ാമത്തെ തവണയാണ് ആയുധസഹായം നല്കുന്നത്. 450 കോടി യുഎസ് ഡോളറിന്റെ സൈനിക സഹായം അമേരിക്ക ഇതുവരെ ഉക്രൈയ്നായി നല്കിയിട്ടുണ്ടെന്നാണ് അന്താരാഷ്ട്ര മാധ്യമങ്ങള് ചൂണ്ടിക്കാട്ടുന്നത്.
മാത്രമല്ല റഷ്യയെ പോലും ഞെട്ടിക്കുന്ന ആയുധങ്ങളാണ് യു.എസ് കൈമാറാന് പോകുന്നത് എന്നാണ് വിവരം. അതില് ജാവലിന് ടാങ്ക് വേധ മിസൈല്, ഹെലികോപ്റ്ററുകള്, പ്രസിഷന് ഗാര്ഡഡ് മിസൈലുകള് എന്നിവയും എം 142 ഹൈ മൊബിലിറ്റി ആര്ട്ടിലറി മൊബിലിറ്റി റോക്കറ്റ് സിസ്റ്റം എന്നറിയപ്പെടുന്ന 4 ഹിമാര്സ് മിസൈലുകളും ഉള്പ്പെടുന്നുണ്ട്. അതേസമയം ഉക്രൈയ്നിനായി അമേരിക്ക നല്കുന്ന ഏറ്റവും നവീനമായ ആയുധമാണ് ഹിമാര്സ് മിസൈലുകള്. എത്ര ദൂരെയുള്ള ശത്രുവിനേയും ചുട്ട് ചാമ്പലാക്കാന് ശേഷിയുള്ള ബ്രാഹ്മാസ്ത്രം തന്നെയാണ് ഈ ദീര്ഘദൂര മിസൈലുകള്.
ഏകദേശം 75 കിലോമീറ്റര് വരെ ഈ മിസൈലുകള് പറക്കും. മാത്രമല്ല മൊബൈല് ലോഞ്ചറുകളില് വിക്ഷേപിക്കാവുന്ന മിസൈലുകളാണ് ഹിമാര്സ് എന്നതാണ് ഏറ്റവും വലിയ പ്രത്യേകത. അതായത്, ഒരു സ്ഥലത്തു നിന്നു മറ്റൊരു സ്ഥലത്തേക്കു ഇവ നീക്കാന് കഴിയും.മാത്രമല്ല മിനിറ്റുകള്ക്കുള്ളില് ഓട്ടമാറ്റിക്കായി ലോഞ്ചറുകളില് നിന്ന് ലോഡ് ചെയ്യുന്ന സംവിധാനവും ഈ മിസൈലിന് ഉണ്ട്. മാത്രമല്ല ഒറ്റ ലോഞ്ചറില് തന്നെ നിരവധി മിസൈലുകളും സ്ഥാപിക്കാം. 6 ജിപിഎസ് നിയന്ത്രിത ക്ലസ്റ്റര് റോക്കറ്റുകളെയോ, ഒരൊറ്റ പോഡ് ആര്മി ടാക്റ്റിക്കല് മിസൈല് സംവിധാനത്തെയോ ഇതിനു വഹിക്കാം എന്നും വിദഗ്ധര് അഭിപ്രായപ്പെടുന്നുണ്ട്.
ഇനി റഷ്യയെ ഭയപ്പെടുത്തുന്ന അല്ലെങ്കില് പുടിന് വെല്ലുവിൡയാകുന്ന ഒരു കാര്യം കൂടിയുണ്ട്. അതായത്,റഷ്യയുടെ പക്കല് ഓട്ടമാറ്റിക് ലോഡ് മിസൈലുകള് ഇല്ല. അതുകൊണ്ട് തന്നെ യുഎസിന്റെ ഈ സഹായം ഉക്രൈയ്നിന് ചെറുതല്ലാത്ത മേല്ക്കൈ ചില മേഖലകളിലെങ്കിലും നല്കാനിടയുണ്ട്. പ്രത്യേകിച്ച് റഷ്യന് ആധിപത്യം ശക്തമായിരിക്കുന്ന ഉക്രൈനിന്റെ കിഴക്കന് മേഖലയില്.
അതേസമയം ഹിമാര്സ് മിസൈലുകള് തങ്ങള്ക്ക് നല്കണമെന്ന് കഴിഞ്ഞ കുറച്ചുകാലങ്ങളായി ഉക്രൈയ്ന് യുഎസിനോട് ആവശ്യപ്പെടുന്നുണ്ട്. നിലവില് 40 കിലോമീറ്റര് വരെ സഞ്ചരിക്കുന്ന ഹൊവിറ്റ്സര് പീരങ്കികള് മാത്രമേ യുക്രെയ്ന്റെ കൈയിലുള്ളൂ. അക്കൂട്ടത്തിലേക്ക് റഷ്യയെയും ഭയപ്പെടുത്തുന്ന നൂനത മിസൈല് എത്തുന്നത്. എന്നാല് അതിര്ത്തി കടന്ന് റഷ്യന് മേഖലകളില് ശക്തമായ തിരിച്ചടി നല്കാന് ഇതുകൊണ്ട് സാധിക്കുമെങ്കിലും തങ്ങള് അതു ചെയ്യില്ലെന്നാണ ഉക്രൈയ്ന് പറയുന്നത്. പ്രതിരോധത്തിനായി മാത്രമേ ഈ മിസൈല് ഉപയോഗിക്കുള്ളൂ എന്നാണ് ഉക്രൈയ്ന്റെ നിലപാട്.
അതേസമയം യുഎസ് ഇങ്ങനെയൊരു നീക്കം നടത്തുന്നത് റഷ്യയുടെ ദേഷ്യം വര്ധിപ്പിക്കാന് ഇടയാക്കുമെന്ന ഭയം യൂറോപ്യന് രാജ്യങ്ങള്ക്കുമുണ്ട്. ഏത് രൂപത്തിലാണ് റഷ്യ പ്രതിരോധം തീര്ക്കുക എന്ന് അറിയാത്തതാണ് യൂറോപ്യന് രാജ്യങ്ങളുടെ ആശങ്കക്ക് കാരണം. മാത്രമല്ല റഷ്യന് പ്രസിഡന്റ് വ്ലാഡിമര് പുടിന് ചില നിര്ണായക നീക്കങ്ങള് നടത്തുന്നുണ്ട് എന്നുള്ള സൂചനകളു ംപുറത്തുവന്നിരുന്നു. ലോകം ഭയന്നതുപോലെ പുടിന് ആണവ ബട്ടണ് അമര്ത്തുമോ എന്നാണ് എല്ലാവരും ഉറ്റുനോക്കുന്നത്. ഉടന് തന്നെ റഷ്യ ആ കടുംകൈ ചെയ്യും എന്നുമുള്ള വാര്ത്തകളും റഷ്യന് അധികാരികളെ ഉദ്ദരിച്ച് അന്താരാഷ്ട്ര മാധ്യമങ്ങള് റിപ്പോര്ട്ട് ചെയ്തിരുന്നു.
ഇക്കഴിഞ്ഞ ഫെബ്രുവരിയില് പുടിന് ഉക്രെയ്നെതിരെ ആക്രമണം ആരംഭിച്ചതിന് തൊട്ടുപിന്നാലെ തന്റെ ആണവ സേനയോട് കരുതിയിരിക്കാന് ആവശ്യപ്പെട്ടിരുന്നു. റഷ്യയുടെ ഭാഗത്തുനിന്നുള്ള മുന്നറിയിപ്പായാണ് ഇത് പരക്കെ കാണുന്നത്.
കാരണം പല അവസരങ്ങളിലും ഉക്രെയിനിനെ പിന്തുണക്കുന്ന രാജ്യങ്ങളോട് ഒരല്പം അകലം പാലിക്കാന് പുടിന് ആവശ്യപ്പെട്ടിരുന്നു. എന്നാല് റഷ്യയെ ഉപരോധത്തിലാക്കി കൂടുതല് രാജ്യങ്ങള് ഉക്രൈനിനും സെലന്സ്കിക്കും പിന്തുണ പ്രഖ്യാപിച്ചത് റഷ്യയെ അക്ഷരാര്ത്ഥത്തില് ചൊടിപ്പിച്ചിരുന്നു. അതുകൊണ്ട് തന്നെയാണ് പുടിന്റെ മുന്നറിയിപ്പിനെ ലോക രാജ്യങ്ങള് ഭയക്കുന്നത്.
https://www.facebook.com/Malayalivartha