ഇറാനില്‍ അപകട സൈറണ്‍ പാഞ്ഞു കയറി ഇസ്രയേല്‍ യുദ്ധ വിമാനങ്ങള്‍; കിടുങ്ങി വിറച്ച് മെഡിറ്റേറിയന്‍ സമുദ്രം അടുത്ത യുദ്ധ തുടങ്ങി
ലോകത്ത് റഷ്യയ്ക്കും യുക്രൈനും പുറമേ പുകഞ്ഞുകൊണ്ടിരിക്കുന്ന രണ്ട് മേഘലകളാണ് ഇസ്രയേല്‍ ഇറാന്‍ മേഘലയും ചൈനതായ്വാന്‍ മേഘലയും. ഇവിടങ്ങളില്‍ എപ്പോള്‍ വേണമെങ്കിലും യുദ്ധം പൊട്ടിപ്പുറപ്പെടാം. തായ്വാനെ ഉടന്‍ തന്നെ ചൈന ആക്രമിക്കുമന്നതിന് നിര്‍ണായകമായ തെളിവുകള്‍ പുറത്തുവന്നിരുന്നു. അതുപോലെ തന്നെയാണ് ഇറാന്‍ ഇസ്രയേല്‍ യുദ്ധ സാധ്യതയും. പുകയുന്ന യുദ്ധ മുഖങ്ങളിലെ സൈനീകാഭ്യാസങ്ങള്‍ വേഗത്തില്‍ യുദ്ധത്തിലേയ്ക്ക് നയിക്കാന്‍ മാത്രമേ ഉപകരിക്കൂ. യുക്രൈനില്‍ റഷ്യ നടത്തിയത് ഒരു ഉദാഹരണം. സമാനമായ രീതിയില്‍ ഇസ്രയേലിന്റെ നീക്കങ്ങള്‍ ഉണ്ടായിരിക്കുകയാണ്. സാധാരണ ഒരു സൈനീകാഭ്യാസമല്ല. ഇറാനെ പ്രകോപിക്കുക എന്നുള്ളൊരു ലക്ഷ്യം മാത്രം മുന്‍ നിര്‍ത്തിക്കൊണ്ടുള്ളൊരു നീക്കമായിരുന്നു അത്. ഇതിന്റെ ഭാഗമായി മെഡിറ്റേറിയന്‍ സമുദ്രത്തെ വട്ടമിട്ട് പറക്കുകയായിരുന്നു ഇസ്രായേല്‍ വ്യോമസേനയുടെ യുദ്ധ വിമാനങ്ങള്‍. ചൊവ്വാഴ്ച രാത്രിയോടെയാണ് ഇസ്രായേലിന്റെ ഭാഗത്ത് നിന്നുള്ള നീക്കം. വ്യോമസേനയുടെ നിരവധി വിമാനങ്ങളാണ് ആകാശത്ത് അഭ്യാസം നടത്തിയത്. വ്യോമാഭ്യാസത്തിന് ശേഷമുള്ള ഇസ്രായേല്‍ പ്രതിരോധ സേനയുടെ പ്രസ്താവന അനുസരിച്ച് ദീര്‍ഘദൂര യാത്രാഭ്യാസം, ആകാശത്ത് വെച്ചുതന്നെയുള്ള ഇന്ധനം നിറയ്ക്കല്‍, വിദൂരത്തുള്ള ശത്രുക്കളെ ലക്ഷ്യം വെച്ചുകൊണ്ടുള്ള ആക്രമണം എന്നിങ്ങനെയുള്ള പരിശീലനമാണ് ഇസ്രായേല്‍ നടത്തിയത്.
ഏകദേശം 10,000 കിലോമീറ്റര്‍ വരെ ദൈര്‍ഘ്യമേറിയ അഭ്യാസത്തില്‍ നൂറിലധികം വിമാനങ്ങളും നാവിക സേനയുടെ അന്തര്‍വാഹിനികളുമാണ് പങ്കെടുത്തത്. യൂറേഷ്യന്‍ ദ്വീപ് രാജ്യമായ സൈപ്രസിനെ വലം വെയ്ക്കുകയും എയര്‍സ്‌ട്രൈക്ക് നടത്തുന്നത് പരിശീലിക്കുകയും ചെയ്തു. പരിശിലനത്തിനിടയില്‍ വിമാനങ്ങള്‍ക്ക് തകര്‍ച്ചയുണ്ടാകുകയാണെങ്കില്‍ പൈലറ്റുമാരെ സുരക്ഷിതമാക്കുന്നതിന് എലൈറ്റ് ഹെലികോപ്റ്റര്‍ സെര്‍ച്ച് ആന്‍ഡ് റെസ്‌ക്യൂ യൂണിറ്റ് 669 ഉം സൈന്യം സജ്ജമാക്കിയിരുന്നു.
ഈ ആഭ്യാസ പ്രകടനങ്ങളിലൂടെ തെളിയുന്നത് ഇസ്രായേലിന്റെ യുദ്ധ കരുത്താണ്. ഇറാനിലെ ആണവ കേന്ദ്രങ്ങള്‍ക്കെതിരെയടക്കം ഏത് ആക്രമണങ്ങള്‍ക്കും ഇസ്രായേല്‍ ഒരുങ്ങി കഴിഞ്ഞിരിക്കുന്നു. ഏത് ലോക ശക്തിയേയും നേരിടാന്‍ മാത്രം കരുത്തിലേക്ക് ആ രാജ്യം വളര്‍ന്നിരിക്കുന്നു. എന്തുതരം ആക്രമണ പ്രത്യാക്രമണങ്ങള്‍ക്കും ഇസ്രായേല്‍ സുസജ്ജവും പ്രാപ്തരുമാണ്. ഇസ്രായേലിന്റെ വടക്കന്‍ അതിര്‍ത്തികളില്‍ പരിശീലനം നടത്തുന്ന ലെബനനിലെ ഇറാന്‍ പിന്തുണയുള്ള ഹിസ്ബുല്ല ഭീകര സംഘടന ഉള്‍പ്പെടെയുള്ള തീവ്രവാദ സംഘടനകള്‍ക്കുള്ള മുന്നറിയിപ്പ് കൂടിയായി വേണം ഇസ്രായേല്‍ ഡിഫന്‍സ് ഫോഴ്‌സസിന്റെ എല്ലാ സേനാ വിഭാ?ഗങ്ങളും ഒത്തുചേര്‍ന്നുള്ള പരിശീലനത്തെ വിലയിരുത്താന്‍.
2015 ലെ ആണവ കരാറിലേക്ക് ഇറാന്‍ മടങ്ങിയെത്തുന്നതും തങ്ങളുടെ രാജ്യത്തിന് നേരെ ഭീഷണി ഉയര്‍ത്താന്‍ ശ്രമിക്കുന്നതിനേയും ഇസ്രായേല്‍ ചോദ്യം ചെയ്തിരുന്നു. തുടര്‍ന്ന് ഇറാന്റെ തലസ്ഥാനമായ ടെഹ്‌റാനിലെ ആണവ കേന്ദ്രങ്ങള്‍ക്കെതിരെ ശക്തമായ താക്കീതും ഇസ്രായേല്‍ നല്‍കി. ഇറാനെതിരായ പുതിയ ആക്രമണ പദ്ധതികള്‍ തയ്യാറാക്കാന്‍ സൈന്യത്തിന് നിര്‍ദ്ദേശം നല്‍കിയതായി കഴിഞ്ഞ വര്‍ഷം തുടക്കത്തില്‍ ഐഡിഎഫ് ചീഫ് ഓഫ് സ്റ്റാഫ് അവീവ് കൊഹാവി പ്രഖ്യാപിച്ചിരുന്നു. ടെഹ്‌റാന്റെ ആണവ പദ്ധതിക്കെതിരെ നടപടിയെടുക്കാനും ശക്തമായി അവയെ പ്രതിരോധിക്കാനും ആവശ്യമായ നടപടി കൈയ്‌ക്കൊണ്ട് മുന്നോട്ട് നീങ്ങുകയാണ് ഇസ്രായേല്‍. ഇറാനെതിരെയുള്ള ആക്രമണ പദ്ധതികള്‍ ഊര്‍ജ്ജിതമാക്കുകയാണ് ഇസ്രായേല്‍.
പ്രത്യേക യുദ്ധോപകരണങ്ങളും തന്ത്രങ്ങളും മെനയുന്നതോടൊപ്പം ഇറാന്റെ എല്ലാതരം നീക്കങ്ങളേയും നിര്‍ജ്ജീവമാക്കുന്നതിനുള്ള വഴികള്‍ ഇസ്രായേല്‍ തയ്യാറാക്കി കഴിഞ്ഞു. ഇറാനും സഖ്യകക്ഷികളും ചേര്‍ന്ന് അതിര്‍ത്തി പ്രദേശങ്ങളിലുടനീളം കോപ്പുകൂട്ടുന്ന പദ്ധതികളെ തകര്‍ത്തെറിയാന്‍ വ്യോമസേന തയ്യാറെടുക്കുകയാണ്. ഹിസ്ബുല്ല ഭീകര സംഘടനയ്‌ക്കെതിരെ പോരാടാന്‍ ഐഡിഎഫ് വിവിധ ക്യാമ്പുകളില്‍ ശക്തമായ പരീശിലനങ്ങളാണ് നടത്തുന്നത്. രാജ്യത്തെ പൗരന്മാരെ ഭീഷണിപ്പെടുത്താന്‍ ശ്രമിക്കുന്ന ഏതൊരാള്‍ക്കും കടുത്ത പ്രഹരമേല്‍പ്പിക്കാനും ഇസ്രായേല്‍ ഇന്ന് സജ്ജമാണ്. ലെബനന്‍ പോലെയുള്ള പര്‍വതപ്രദേശങ്ങളിലും, മറ്റ് നഗരഗ്രാമ പ്രദേശങ്ങള്‍ ഉള്‍പ്പെടെ വിവിധയിടങ്ങളില്‍ ഐഡിഎഫ് തങ്ങളുടെ പരിശീലനം ശക്തമാക്കുന്നു. ഇറാന്റെയും മതതീവ്രവാദ സംഘടനകളുടെയും പത്തിയൊടിക്കാന്‍ സൈനികര്‍ക്ക് കരുത്ത് പകരുകയാണ് ഇസ്രായേല്‍. ഒപ്പം തങ്ങളുടെ പൗരന്മാരുടെ ആത്മവിശ്വാസം ഊട്ടിയുറപ്പിക്കുകയും.
https://www.facebook.com/Malayalivartha
