പ്രധാനമന്ത്രിയുടെ ക്ഷണം സ്വീകരിച്ച് ഫ്രാന്സിസ് മാര്പ്പാപ്പ...! ഇന്ത്യാ സന്ദര്ശനം അടുത്തവര്ഷം, സന്ദര്ശനവുമായി ബന്ധപ്പെട്ട് വിവിധ തലങ്ങളില് ചര്ച്ചകള് സജീവം
ഫ്രാന്സിസ് മാര്പ്പാപ്പയുടെ ഇന്ത്യാ സന്ദര്ശനം അടുത്തവര്ഷം ആദ്യമുണ്ടാകും. മാര്പ്പാപ്പ ഇന്ത്യാസന്ദര്ശനം ഒരാഴ്ച നീണ്ടു നില്ക്കും. വിവിധ സ്ഥലങ്ങള് അദ്ദേഹം സന്ദര്ശിക്കും. അദ്ദേഹത്തിന്റെ സന്ദര്ശന സ്ഥലങ്ങളില് കേരളം ഉള്പ്പെടുമോ എന്നതിന് സ്ഥിരീകരണമായിട്ടില്ല. എന്നാല് ഗോവ സന്ദര്ശിക്കുമെന്നുറപ്പായിട്ടുണ്ട്.
ഗോവയില് ജെസ്യൂട്ട് സഭയുടെ സ്ഥാപകരില് ഒരാളായ ഫ്രാന്സി സേവ്യറിന്റെ ഭൗതികശരീരം സൂക്ഷിച്ചിട്ടുള്ള സ്ഥലത്തായിരിക്കും പോപ്പ് സന്ദര്ശനം നടകത്തുക. സന്ദര്ശനവുമായി ബന്ധപ്പെട്ട് വിവിധ തലങ്ങളില് ചര്ച്ചകള് സജീവമായിട്ടുണ്ട്, അതിനു ശേഷമേ സമ്പൂര്ണ വിവരങ്ങള് അറിയാനാകു. കഴിഞ്ഞ വര്ഷം ഒക്ടോബറില് വത്തിക്കാന് സന്ദര്ശിച്ച പ്രധാനമന്ത്രി നരേന്ദ്രമോദി ഫ്രാന്സിസ് മാര്പ്പാപ്പയെ ഇന്ത്യയിലേക്ക് ക്ഷണിച്ചിരുന്നു.
മോദിയുടെ ക്ഷണം മാര്പ്പാപ്പ സ്വീകരി്ക്കുകയും ചെയ്തു. തന്നെ ഇന്ത്യസന്ദര്ശിക്കാന് ക്ഷണിക്കുക വഴി വലിയ സമ്മാനമാണ് ഇന്ത്യ നല്കിയിരിക്കുന്നതെന്നായിരുന്നു പാപ്പയുടെ പ്രതികരണം. കോവിഡ് മഹാമാരിയെ നേരിടാന് ഇന്ത്യ നല്കിയ സഹായങ്ങളെ പോപ്പ് ഹാര്ദവമായി അഭിനന്ദിച്ചിരിക്കുന്നു. വിവിവിധ രാജ്യങ്ങള്ക്കായി വാക്സിന് നല്കിയ വാക്സിന് മൈത്രി അടക്കമുള്ള നടപടികളെയാണ് പോപ്പ് അഭിനന്ദിച്ചത്. പോപ്പനെ ഇന്ത്യ സന്ദര്ശിക്കാന് ക്ഷണിച്ചതിനെ ആര്.എസ്.എസും അഭിന്ദിച്ചിരുന്നു.
https://www.facebook.com/Malayalivartha