2023 ഏറ്റവും മോശം വര്ഷമാകും; കൊടും പട്ടിണിയും; വിലക്കയറ്റവും;യുദ്ധം തീര്ന്നില്ലെങ്കില് ലോകം വന് പ്രതിസന്ധിയിലാകും അപകട മുന്നറിയിപ്പ് ഇതാ
ലോകമെമ്പാടും അവശ്യസാധനങ്ങളുടെ വില കുത്തനെ കുതിച്ചുയരുകയാണ്. യുദ്ധം ലോകത്ത് വലിയ അപകട മുന്നറിയിപ്പാണ് നല്കുന്നത്. മാത്രമല്ല ഭക്ഷ്യസാധനങ്ങളുടെ വിലക്കയറ്റം ആഗോള ഭക്ഷ്യ പ്രതിസന്ധിക്ക് കാരണമായേക്കുമെന്ന് ഐക്യരാഷ്ട്ര സംഘടന തന്നെ മുന്നറിയിപ്പ് നല്കിയിരിക്കുകയാണ്. ആഗോളതലത്തില് ഏറ്റവുമധികം വില്ക്കുന്ന ഭക്ഷ്യവസ്തുക്കളുടെ വില അളക്കുന്ന യുഎന് ഫുഡ് ആന്ഡ് അഗ്രികള്ച്ചര് ഓര്ഗനൈസേഷന്റെ ഭക്ഷ്യവില സൂചിക, മാര്ച്ചില് റെക്കോര്ഡിലെത്തിയതിന് ശേഷം തുടര്ച്ചയായി രണ്ടു മാസവും ഇടിഞ്ഞിരുന്നു. ഇടിവുണ്ടായിട്ടും, മേയ് സൂചിക 2021ലെ അപേക്ഷിച്ച് 22.8 ശതമാനം ഉയര്ന്നത് ആശങ്ക വര്ധിപ്പിക്കുകയാണ്.
നിലവില് ഭക്ഷണത്തിനു ക്ഷാമമില്ലെങ്കിലും പ്രതിസന്ധിയുണ്ടായേക്കുമെന്നാണ് എഫ്എഒയുടെ പ്രധാന വിശകലന വിദഗ്ധന് ലൂക്കാ റൂസോ പറയുന്നത്. ഇന്ത്യ ഉള്പ്പെടെയുള്ള വികസ്വര രാജ്യങ്ങളിലാകും ഇത് ഏറ്റവുമധികം പ്രതിഫലിക്കുന്നതെന്നും 2023 വളരെ അപകടകരമായ ഒരു വര്ഷമായിരിക്കാമെന്നും അദ്ദേഹം ചൂണ്ടിക്കാണിക്കുന്നു. 'യുക്രെയ്ന്റഷ്യ യുദ്ധമാണ് സ്ഥിതി വഷളാക്കിയത്. ഇപ്പോള് ഭക്ഷ്യക്ഷാമമില്ലെങ്കിലും വില കുതിച്ചുയരുകയാണ്. ഇന്ധനത്തിന്റെ ഉള്പ്പെടെ വില വര്ധിച്ചതാണ് ഒരു കാരണം. യുക്രെയ്ന് യുദ്ധത്തിന്റെ ഫലമായി, കഴിഞ്ഞ മാസം 19 രാജ്യങ്ങള് ഭക്ഷ്യ കയറ്റുമതിയില് നിയന്ത്രണങ്ങള് ഏര്പ്പെടുത്തി. ഇതെല്ലാം വിലക്കയറ്റത്തിന് കാരണമാകുന്നു.
യുദ്ധം അടുത്തവര്ഷത്തേയ്ക്കു കൂടി നീണ്ടാല്, 2023 അപകടകരമായ ഒരു വര്ഷമായിരിക്കുമെന്നും അദ്ദേഹം പറഞ്ഞു. യുക്രെയ്നില്നിന്നും റഷ്യയില്നിന്നും സാധനങ്ങള് ഇറക്കുമതി ചെയ്യുന്ന രാജ്യങ്ങളില് വന് പ്രതിസന്ധിയുണ്ടാകും. ഗോതമ്പും ചോളവും പ്രധാനഭക്ഷണമായ രാജ്യങ്ങളും പ്രതിസന്ധിയിലാകും. വടക്കേ ആഫ്രിക്കയും മിഡില് ഈസ്റ്റും നിര്ണായക മേഖലകളാണെന്നും ലൂക്കാ റൂസോ വ്യക്തമാക്കി. യുക്രെയ്ന് പ്രതിസന്ധിക്ക് മുന്പുതന്നെ അഫ്ഗാനിസ്ഥാന്, യെമന്, ദക്ഷിണ സുഡാന്, വടക്കുകിഴക്കന് നൈജീരിയ, സൊമാലിയ എന്നിവിടങ്ങളിലെ സാഹചര്യം നിരീക്ഷിക്കുന്നുണ്ടായിരുന്നു. ഭക്ഷ്യവസ്തുക്കളുടെ വിലക്കയറ്റം അവരെ വിനാശകരമായി ബാധിക്കും.'– ലൂക്കാ റൂസോ പറഞ്ഞു.
https://www.facebook.com/Malayalivartha