ആകാശം കറുത്തിരുണ്ട് മേഘാവൃതം... ചാരം മൂടിയ അവസ്ഥയില് ഫിലിപ്പീന്സ് നഗരങ്ങള്.... അഗ്നിപര്വത സ്ഫോടനങ്ങള് ഇനിയുമുണ്ടായേക്കാമെന്ന് ജനങ്ങള്ക്ക് മുന്നറിയിപ്പ് നല്കി അധികൃതര്
ആകാശം കറുത്തിരുണ്ട് മേഘാവൃതം... ചാരം മൂടിയ അവസ്ഥയില് ഫിലിപ്പീന്സ് നഗരങ്ങള്.... അഗ്നിപര്വത സ്ഫോടനങ്ങള് ഇനിയുമുണ്ടായേക്കാമെന്ന് ജനങ്ങള്ക്ക് മുന്നറിയിപ്പ് നല്കി അധികൃതര്.
ഫിലിപ്പീന്സിന്റെ തെക്കു-കിഴക്കന് മേഖലയിലുള്ള സൊര്സോഗന് പ്രവിശ്യയിലെ ബുലുസാന് അഗ്നിപര്വതമാണ് കഴിഞ്ഞദിവസം പൊട്ടിത്തെറിച്ചത്. സ്ഫോടനമാകട്ടെ 17 മിനിട്ടോളം നീണ്ടുല്ക്കുകയും ചെയ്തു. ഒരു കിലോമീറ്ററോളം ഉയരത്തിലാണ് സ്ഫോടനത്തെത്തുടര്ന്ന് പുകയും പൊടിപടലങ്ങളും വ്യാപിച്ചതെന്ന് ഫിലിപ്പീന് ഇന്സ്റ്റിറ്റ്യൂട്ട് ഓഫ് വോള്ക്കാനോളജി ആന്റ് സീസ്മോളജി അറിയിച്ചു.
ജുബാന് പട്ടണത്തിന് അടുത്തായുള്ള പത്തു ഗ്രാമങ്ങളിലും രണ്ടു നഗരങ്ങളിലുമാണ് ചാരവും പൊടിപടലങ്ങളും കൊണ്ട് നിറഞ്ഞത്്. ഇതേത്തടുര്ന്ന് ഇവിടങ്ങളിലെ വീടുകളും റോഡുകളും മരങ്ങളുമെല്ലാം ചാരം മൂടിയ അവസ്ഥയിലാണ്. ചാരവും പൊടിപടലങ്ങളും വ്യാപിച്ചതിനാല് കാഴ്ച തടസ്സപ്പെടുന്നത് വാഹനഗതാഗതത്തെയും ബാധിച്ചിട്ടുണ്ട്.
പൊടിപടലങ്ങള് ഉയര്ന്ന സാഹചര്യത്തില് പര്വതത്തിന്റെ നാലു കിലോമീറ്റര് ചുറ്റളവില് പ്രവേശിക്കുന്നതിന് അധികൃതര്ക്ക് വിലക്ക് ഏര്പ്പെടുത്തി. പ്രദേശവാസികള് മാസ്ക് ധരിക്കാനും വീടിനുള്ളില് തന്നെ കഴിയാനും നിര്ദേശം നല്കി്.
പൊടിപടലങ്ങള് ഉയരുന്നതിന് 24 മണിക്കൂര് മുമ്പ് 77 അഗ്നിപര്വത ഭൂകമ്പങ്ങള് ഉണ്ടായതായാണ് അധികൃതര് സൂചിപ്പിക്കുന്നത്. അഗ്നിപര്വത സ്ഫോടനത്തില് ആളപായമൊന്നും റിപ്പോര്ട്ട് ചെയ്തിട്ടില്ല. മനിലയില് നിന്നും 600 കിലോമീറ്റര് അകലെ സ്ഥിതി ചെയ്യു്നന സൊര്സോഗന് പ്രദേശത്തിന് മുകളില് വിമാനങ്ങള് പ്രവേശിക്കുന്നതിന് വിലക്കേര്പ്പെടുത്തി. മഴക്കാലത്ത് പര്വതങ്ങളില് നിന്നും ചെളിവെള്ളം ഒഴുകിയെത്താന് സാധ്യതയുള്ളതിനാല് താഴ് വരകളിലും പുഴയോരങ്ങളിലും താമസിക്കുന്നവര് ജാഗ്രത പാലിക്കണമെന്നും മുന്നറിയിപ്പുണ്ട്.
"
https://www.facebook.com/Malayalivartha