അമേരിക്കന്‍ പ്രസിഡന്റ് ജോ ബൈഡന് വീണ്ടും കൊറോണ. വൈറസ് ബാധയെ തുടര്‍ന്നുള്ള നിരീക്ഷണം പൂര്‍ത്തിയാക്കി ദിവസങ്ങള്‍ക്ക് ശേഷമാണ് അദ്ദേഹത്തിന് വീണ്ടും രോഗം സ്ഥിരീകരിച്ചത്. ഇതോടെ അദ്ദേഹം നിരീക്ഷണത്തില്‍ പോയി.


രോഗ വിവരം ജോ ബൈഡന്‍ തന്നെയാണ് ട്വിറ്ററിലൂടെ അറിയിച്ചത്. ഇക്കുറി രോഗ ലക്ഷണങ്ങളൊന്നുമില്ലെന്ന് ജോ ബൈഡന്‍ പറഞ്ഞു. എങ്കിലും നിരീക്ഷണത്തില്‍ പോകാനാണ് തീരുമാനം. തനിക്ക് ചുറ്റുമുളള എല്ലാവരും സുരക്ഷിതരാണെന്നാണ് കരുതുന്നത്. നിരീക്ഷണത്തിലാണെങ്കിലും ജോലികള്‍ തുടരും. എത്രയും വേഗം തന്നെ സുഖം പ്രാപിച്ച് തിരിച്ചുവരുമെന്നും അദ്ദേഹം ട്വീറ്റ് ചെയ്തു.

ഈ മാസം 21 നായിരുന്നു ജോ ബൈഡന് ആദ്യമായി കൊറോണ സ്ഥിരീകരിച്ചത്. തുടര്‍ന്ന് രോഗമുക്തമായ അദ്ദേഹം നിരീക്ഷണ കാലാവധി പൂര്‍ത്തിയാക്കി മൂന്ന് ദിവസങ്ങള്‍ക്ക് ശേഷമാണ് വീണ്ടും രോഗം സ്ഥിരീകരിക്കുന്നത്.