ഞെട്ടലോടെ യുവതി... ക്രൊയേഷ്യയില്‍ നിന്ന് അവധി കഴിഞ്ഞു മടങ്ങിയെത്തിയ യുവതിയുടെ പെട്ടിയില്‍ കണ്ടെത്തിയത് 18 തേളുകളെ...


ഞെട്ടലോടെ യുവതി... ക്രൊയേഷ്യയില്‍ നിന്ന് അവധി കഴിഞ്ഞു മടങ്ങിയെത്തിയ യുവതിയുടെ പെട്ടിയില്‍ കണ്ടെത്തിയത് 18 തേളുകളെ...
ശനിയാഴ്ച തന്റെ ഓസ്ട്രിയയിലെ വീട്ടിലെത്തിയ യുവതി പെട്ടി തുറക്കുന്നതിനിടെയായിരുന്നു ഞെട്ടിക്കുന്ന ആ കാഴ്ച കാണുന്നത്.

18 ജീവനുള്ള തേളുകളെയായിരുന്നു കണ്ടെടുത്തത്. തേളുകളെ സുരക്ഷിതമായി ലിന്‍സ് മൃഗസംരക്ഷണ കേന്ദ്രത്തിലേക്ക് കൈമാറി എന്ന് മൃ ഗസംരക്ഷണ സേവനമായ ടൈര്‍ഹില്‍ഫെ ഗുസെന്റല്‍ ഫേസ്ബുക്കില്‍ കുറിച്ചു.

തേളുകളെ ക്രൊയേഷ്യയിലേക്ക് തിരികെ കൊണ്ടുപോകാനായി പദ്ധതിയിടുന്നുണ്ടെന്ന് മൃഗസംരക്ഷണ കേന്ദ്രം കൂട്ടിച്ചേര്‍ത്തു. ഏകദേശം 2,000 ഇനം തേളുകളില്‍ 30 മുതല്‍ 40 വരെയുള്ള തേളുകള്‍ക്കു മാത്രമേ മനുഷ്യനെ കൊല്ലാന്‍ തക്ക വീര്യമുള്ള വിഷം ഉള്ളൂ.


ക്രൊയേഷ്യയില്‍ ചില വ്യത്യസ്ത തരം തേളുകള്‍ മാത്രമാണ് കാണപ്പെടുന്നത്, അവയൊന്നും ജീവന് ഭീഷണിയല്ല. റിപ്പോര്‍ട്ടുകള്‍ പ്രകാരം, ഇത് മൂന്നാമത്തെ കേസാണ്.