ലെബനനില്‍ പള്ളികള്‍ക്കു സമീപമുണ്ടായ സ്‌ഫോടനത്തില്‍ നാല്‍പതോളം മരണം
24 AUGUST 2013 01:43 AM IST
മലയാളി വാര്‍ത്ത.
വടക്കന്‍ ലെബനനില്‍ പള്ളികള്‍ക്കു സമീപമുണ്ടായ സ്‌ഫോടനത്തില്‍ നാല്‍പതോളം പേര്‍ മരിച്ചു. നൂറിലധികം പേര്‍ക്കു പരിക്കേറ്റു. ലെബനനില്‍ 1990ല്‍ ആഭ്യന്തരയുദ്ധം അവസാനിച്ചതിനുശേഷമുണ്ടാകുന്ന ഏറ്റവും വലിയ സ്‌ഫോടനങ്ങളാണിത്‌. തലസ്ഥാനമായ ബെയ്‌റൂട്ടിന്‌ 70 കിലോമീറ്റര്‍ അകലെ ട്രിപ്പോളിയിലാണ്‌ സ്‌ഫോടനങ്ങള്‍ നടന്നത്‌.
കഴിഞ്ഞയാഴ്‌ച തലസ്ഥാനമായ ബെയ്‌റൂട്ടിലുണ്ടായ കാര്‍ ബോംബ്‌ സ്‌ഫോടനത്തില്‍ 24 പേര്‍ കൊല്ലപ്പെട്ടിരുന്നു. അല്‍ തക്വ, അല്‍ സലാം പള്ളികള്‍ക്ക്‌ സമീപത്താണ്‌ സ്‌ഫോടനമുണ്ടായത്‌. പള്ളികളിലെ വെള്ളിയാഴ്‌ചത്തെ പ്രാര്‍ത്ഥനകള്‍ക്കുശേഷമാണ്‌ സ്‌ഫോടനങ്ങള്‍ നടന്നത്‌. പ്രമുഖ സുന്നി പണ്ഡിതന്‍ ഷെയ്‌ഖ്‌ സലേം റാഫിയെ ലക്ഷ്യംവെച്ചുള്ള സ്‌ഫോടനങ്ങളാണ്‌ നടന്നതെന്നാണ്‌ നിഗമനം. എന്നാല്‍ അദ്ദേഹം സുരക്ഷിതനാണെന്ന്‌ ഔദ്യോഗികവൃത്തങ്ങള്‍ അറിയിച്ചു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
