ഏത് ആക്രമണത്തേയും നേരിടാന് തയ്യാറെന്ന് അസദ്; നടപടി ഉടന് വേണമെന്ന് സിറിയന് പ്രതിപക്ഷം; തീരുമാനമെടുക്കാതെ ഒബാമ
ഏത് ആക്രമണത്തേയും നേരിടാന് സിറിയ സന്നദ്ധമാണെന്ന് പ്രസിഡന്റ് ബാഷര് അല് അസാദ്. ഇറാനിയന് സംഘവുമായി നടത്തിയ കൂടിക്കാഴ്ചയിലാണ് പാശ്ചാത്യ ആക്രമണത്തെ നേരിടാന് രാജ്യം സന്നധമാണെന്ന പ്രഖ്യാപനം അസദ് നടത്തിയത്.
അതേസമയം ഭരണകൂടത്തിനെതിരെ സൈനിക നടപടി വേണമെന്ന് സിറിയന് പ്രതിപക്ഷം ആവശ്യപ്പെട്ടു. സെപ്തംബര് 9ന് അമേരിക്കന് കോണ്ഗ്രസ് തീരുമാനമെടുക്കാനിരിക്കെയാണ് പ്രതിപക്ഷത്തിന്റെ ആവശ്യം. സൈനിക നടപടിയ്ക്ക് അമേരിക്കന് കോണ്ഗ്രസ് തയ്യാറാകുമെന്നാണ് പ്രതീക്ഷയെന്ന് പ്രതിപക്ഷ നേതാവ് ഖാലിദ് സലേ പറഞ്ഞു.
സൈനികനടപടിക്ക് അനുമതി തേടുന്ന ഒബാമയുടെ പ്രമേയത്തോട് കോണ്ഗ്രസ് എങ്ങനെ പ്രതികരിക്കുമെന്ന് വ്യക്തമല്ല. സെനറ്റില് ഡെമോക്രാറ്റുകള്ക്ക് ഭൂരിപക്ഷമുണ്ടെങ്കിലും പ്രതിനിധിസഭയില് റിപ്പബ്ലിക്കന് ആധിപത്യമാണ്. ഒട്ടേറെ കോണ്ഗ്രസ് അംഗങ്ങള് സൈനിക ഇടപെടലിനെതിരെ രംഗത്തുവന്നിട്ടുണ്ട്.
ബ്രിട്ടീഷ് പാര്ലമെന്റില് പ്രമേയം അവതരിപ്പിച്ച പ്രധാനമന്ത്രി ഡേവിഡ് കാമറോണിന് തിരിച്ചടി ലഭിച്ചിരുന്നു. അതോടെ ബ്രിട്ടന് യുദ്ധത്തില് നിന്ന് പിന്മാറുകയും ചെയ്തു. അമേരിക്കന് കോണ്ഗ്രസ്സും പ്രമേയം തള്ളിയാല് സൈനികനടപടി അസാധ്യമായേക്കാം. അല്ലെങ്കില് കോണ്ഗ്രസ് തീരുമാനം ധിക്കരിച്ച് ഒബാമയ്ക്ക് മുന്നോട്ട് പോകേണ്ടിവരും. പ്രതിനിധിസഭാ സ്പീക്കര്ക്കും സെനറ്റ് പ്രസിഡന്റിനും ഒബാമ കരട് പ്രമേയം അയച്ചിട്ടുണ്ട്.
രാസായുധം പ്രയോഗിക്കാനുള്ള സിറിയയുടെ ശക്തി ഇല്ലാതാക്കുകയാണ് സൈനികനടപടിയുടെ ലക്ഷ്യമെന്ന് പ്രമേയം പറയുന്നു. കരയുദ്ധം ഉണ്ടാകില്ലെന്നും സിറിയന് സര്ക്കാറിന്റെ തന്ത്രപ്രധാന കേന്ദ്രങ്ങളില് വ്യോമാക്രമണമാണ് ഉദ്ദേശിക്കുന്നതെന്നും ഒബാമ നേരത്തേ വ്യക്തമാക്കിയിട്ടുണ്ട്. ഒബാമയ്ക്ക് പിന്തുണയുമായി ഇപ്പോള് ഫ്രാന്സ് മാത്രമാണുള്ളത്. അമേരിക്കന് കോണ്ഗ്രസ്സിന്റെ തീരുമാനം വരുന്നതുവരെ തങ്ങള് കാത്തിരിക്കുമെന്ന് ഫ്രഞ്ച് പ്രധാനമന്ത്രി ജീന് മാര്ക്ക് അയ്റോത്ത് അറിയിച്ചു.
രാസായുധാക്രമണം നടന്ന സ്ഥലങ്ങളില് നിന്ന് ശേഖരിച്ച സാമ്പിളുകള് യു.എന്. സംഘം പരിശോധിച്ചുവരികയാണ്. നിഗമനങ്ങളിലെത്താന് മൂന്നാഴ്ച വേണ്ടിവരുമെന്നാണ് റിപ്പോര്ട്ട്. സര്ക്കാര് സൈന്യത്തിന്റെ രാസായുധ പ്രയോഗത്തില് 1,429 പേര് മരിച്ചതായി തങ്ങള്ക്ക് വിവരം ലഭിച്ചെന്ന് അമേരിക്ക നേരത്തേ അറിയിച്ചിരുന്നു.
സിറിയയിലെ രാസായുധ പ്രയോഗത്തിന് തങ്ങള്ക്ക് വ്യക്തമായ തെളിവുകള് ലഭിച്ചിട്ടുണ്ടെന്ന് അമേരിക്കന് വിദേശകാര്യ സെക്രട്ടറി ജോണ് കെറി അറിയിച്ചു. സരിന് വാതകമാണ് ഉപയോഗിച്ചത്. സാമ്പിളുകളില് നിന്ന് ഇക്കാര്യം വ്യക്തമായിട്ടുണ്ടെന്ന് കെറി പറഞ്ഞു.
https://www.facebook.com/Malayalivartha