ഗാസ ചുട്ടെരിച്ചു ഹിസ്ബുള്ളയ്ക്കുള്ള താക്കീത്;തുരങ്കങ്ങള് ഇടിച്ചു നിരത്തി ഇറാന് അനങ്ങിയാല് ലബനന് ശവപ്പറമ്പാക്കും,ഹമാസിന്റെ റോക്കറ്റ് വിക്ഷേപണ കേന്ദ്രവും സൈന്യം കണ്ടെത്തി തകര്ത്തു,തുരങ്കങ്ങള് പൂര്ണ്ണമായി നശിപ്പിക്കാന് ആറ് മാസമെങ്കിലും ആവശ്യമുണ്ടെന്ന് റിപ്പോര്ട്ട്
![](https://www.malayalivartha.com/assets/coverphotos/w657/313866_1719846427.jpg)
റഫയിലെ ഹമാസ് തുരങ്കവും റോക്കറ്റ് വിക്ഷേപണ കേന്ദ്രവും ഐഡിഎഫ് തകര്ത്തു. തെക്കന് ഗാസയിലെ റഫയില് ഐക്യരാഷ്ട്രസഭയുടെ സ്കൂളിനോട് ചേര്ന്ന് കിടക്കുന്ന ഹമാസ് തുരങ്കം ആണ് തകര്ത്തതെന്നു ഐഡിഎഫ് വ്യക്തമാക്കി . ഭൂഗര്ഭ പാതകളിലേക്ക് നയിക്കുന്ന നിരവധി ടണല് ഷാഫ്റ്റുകളും നെഗേവ് ബ്രിഗേഡിന് കീഴില് പ്രവര്ത്തിക്കുന്ന സൈനികര് കണ്ടെത്തി നശിപ്പിച്ചു. തുരങ്കത്തിനും അതിന്റെ ശാഖകള്ക്കും ഏകദേശം 500 മീറ്റര് നീളമുണ്ടായിരുന്നുവെന്നാണ് ഐഡിഎഫ് പറയുന്നത് . അതിനോടനുബന്ധിച്ചുള്ള ഹമാസിന്റെ റോക്കറ്റ് വിക്ഷേപണ കേന്ദ്രവും സൈന്യം കണ്ടെത്തി തകര്ത്തതായി സൈന്യം അറിയിച്ചു . അതേസമയം റഫയിലെ ഫിലാഡല്ഫി ഇടനാഴിയിലുള്ള ഹമാസ് തുരങ്കങ്ങള് പൂര്ണ്ണമായി ഉന്മൂലനം ചെയ്യാന് ഐഡിഎഫിന് കുറഞ്ഞത് ആറ് മാസമെങ്കിലും ആവശ്യമുണ്ടെന്നാണ് റിപ്പോര്ട്ട്
ഹമാസിന്റെ ഓക്സിജന്' എന്നറിയപ്പെടുന്ന ഫിലാഡല്ഫി ഇടനാഴി പുറം ലോകത്ത് നിന്ന്, പ്രത്യേകിച്ച് ഇറാനില് നിന്ന് ആയുധങ്ങള് സ്വീകരിക്കുന്നതിനു വേണ്ടിയാണ് ഹമാസ് ഉണ്ടാക്കിയിട്ടുള്ളത്. ഫിലാഡല്ഫി ഇടനാഴിയിലൂടെ ഹമാസിന് ലഭിച്ച ആയുധ പരിശീലനവും രഹസ്യാന്വേഷണ പരിശീലനവും ഇല്ലായിരുന്നെങ്കില് ഒരിക്കലും ഒക്ടോബര് 7 സംഭവിക്കുമായിരുന്നില്ല.
ഇസ്രായേലും ടെഹ്റാന് പിന്തുണയുള്ള ലെബനീസ് മിലിഷ്യയായ ഹിസ്ബുള്ളയും തമ്മിലുള്ള സംഘര്ഷം ഒരു സമ്പൂര്ണ്ണ സംഘട്ടനത്തിലേക്ക് നീങ്ങുന്നത് തടയാന് നയതന്ത്രജ്ഞര് ശ്രമിക്കുകയാണ് എന്നാല് , ലെബനനില് ഇസ്രായേല് തോതിലുള്ള ആക്രമണം നടത്തിയാല് ഇസ്രയേലിനെ നശിപ്പിക്കുമെന്നാണ് ഇറാന്റെ ഭീഷണി . അതിര്ത്തി പ്രദേശത്ത് നിന്ന് ഹിസ്ബുള്ള സൈന്യത്തെ പിന്വലിച്ചില്ലെങ്കില് ഇസ്രായേല് ലെബനനെ ആക്രമിക്കുമെന്ന് മാസങ്ങളായി ഇസ്രായേല് അധികൃതര് മുന്നറിയിപ്പ് നല്കിയിരുന്നു. അതേസമയം ഇസ്രായേലിലേക്ക് നുഴഞ്ഞുകയറ്റം നടത്തുമെന്നാണ് ഹിസ്ബുള്ളയുടെ ഭീഷണി
പതിറ്റാണ്ടുകളായി ഇസ്രായേലും ഹിസ്ബുള്ളയും ബദ്ധശത്രുക്കളാണ്. ഇസ്രായേലിന്റെ വടക്കന് അതിര്ത്തിയില് ഇടയ്ക്കിടെ ഇരുകൂട്ടരും ഏറ്റുമുട്ടാറുമുണ്ട് .വെടിയുതിര്ക്കുന്നു. കഴിഞ്ഞ ഒക്ടോബറില് ഗാസ മുനമ്പില് യുദ്ധം ആരംഭിച്ചത് മുതല്, ഹിസ്ബുള്ളയും ഇസ്രായേല് സൈന്യവും അതിര്ത്തി കടന്നുള്ള ആക്രമണം ശക്തമാക്കിയിട്ടുണ്ട്.
ലെബനന് അതിര്ത്തിയിലെ സംഘര്ഷം ചര്ച്ച ചെയ്യുന്നതിനായി ഇസ്രായേല് പ്രതിരോധ മന്ത്രി യോവ് ഗാലന്റ് കഴിഞ്ഞ ആഴ്ച വാഷിംഗ്ടണില് ബൈഡന് അഡ്മിനിസ്ട്രേഷന് ഉദ്യോഗസ്ഥരുമായി കൂടിക്കാഴ്ച നടത്തി. ഒക്ടോബര് 7 ന് ഇസ്രായേലിനെതിരായ ഹമാസിന്റെ ആക്രമണം ഗാസയില് യുദ്ധത്തിന് തുടക്കമിട്ടതിന്റെ പിറ്റേന്ന് മുതല്, ഹിസ്ബുള്ള വടക്കന് ഇസ്രായേലിലേക്ക് റോക്കറ്റുകള് വിക്ഷേപിച്ചുതുടങ്ങിയതാണ് . ലെബനീസ് അതിര്ത്തിയുടെ ഇരുവശത്തും, ഇസ്രായേലും ഹിസ്ബുള്ളയും തമ്മിലുള്ള ആക്രമണങ്ങള് തുടരുന്നുണ്ട് . ഇസ്രായേലില് എവിടെയും ആക്രമിക്കാന് ശേഷിയുള്ള ഏകദേശം 1 , 50,000 റോക്കറ്റുകളുടെയും മിസൈലുകളുടെയും ആയുധശേഖരം ഹിസ്ബുള്ളയുടെ കൈവശമുണ്ട്.
https://www.facebook.com/Malayalivartha