ബ്രിട്ടനില് ചരിത്രത്തിലെ ആദ്യ മലയാളി എംപിയായി സോജന് ജോസഫ്;ലേബര് പാര്ട്ടിക്ക് വേണ്ടിയാണ് സോജന് മത്സരിച്ചത്, കോട്ടയം കൈപ്പുഴ സ്വദേശിയായ സോജന് ബ്രിട്ടന് പൊതുതെരഞ്ഞെടുപ്പില് അട്ടിമറി വിജയമാണ് നേടിയത്,ഈ വിജയത്തിന് തിളക്കമേറെയാണ്, കേരളത്തിന് ഇത് അഭിമാന നിമിഷം
ബ്രിട്ടീഷ് പാര്ലമെന്റ് തെരഞ്ഞെടുപ്പ് ഫലം പുറത്തുവരുമ്പോള് മലയാളികള്ക്കും സന്തോഷവാര്ത്ത. കോട്ടയം ഓണംതുരുത്ത് സ്വദേശി സോജന് ജോസഫാണ് ഇപ്പോള് യു കെയില് താരം . ബ്രിട്ടീഷ് പാര്ലമെന്റിലേക്ക് തിരഞ്ഞെടുപ്പെടുന്ന ആദ്യ മലയാളിയായി മാറിയിരിക്കുകയാണ് സോജന്. ലേബര് പാര്ട്ടിക്ക് വേണ്ടിയാണ് സോജന് ജോസഫ് മത്സരിച്ചത്. 650 അംഗ പാര്ലമെന്റില് കേവലഭൂരിപക്ഷത്തിന് വേണ്ട 325 സീറ്റ് ലേബര് പാര്ട്ടി മറികടന്നതോടെ ഋഷി സുനക് നയിച്ച കണ്സര്വേറ്റീവ് പാര്ട്ടി വന് തകര്ച്ചയാണ് നേരിട്ടത്. വര്ഷങ്ങളായി കണ്സര്വേറ്റീവ് പാര്ട്ടി കൈയടക്കി വച്ചിരുന്ന കെന്റിലെ ആഷ്ഫോര്ഡ് മണ്ഡലത്തില് നിന്നും ലേബര് പാര്ട്ടി സ്ഥാനാര്ഥിയായി മത്സരിച്ച കോട്ടയം കൈപ്പുഴ സ്വദേശി സോജന് ജോസഫാണ് ബ്രിട്ടന് പൊതുതെരഞ്ഞെടുപ്പില് അട്ടിമറി വിജയം നേടിയത്.
ഒരു മലയാളി ആദ്യമായിയാണ് ഈ പദവിയില് എത്തുന്നത് . കണ്സര്വേറ്റീവ് സര്ക്കാരുകളില് പ്രമുഖ പദവികള് കൈകാര്യം ചെയ്തിരുന്ന പ്രമുഖ നേതാവ് ഡാമിയന് ഗ്രീനിനെയാണ് 1,779 വോട്ടുകള്ക്ക് സോജന് പരാജയപ്പെടുത്തിയത്. 15,262 വോട്ടുകള് നേടിയാണ് സോജന് വിജയം ഉറപ്പിച്ചത്. തൊട്ടു പിന്നിലെത്തിയ ഡാമിയന് ഗ്രീനിന് 13,483 വോട്ടുകളെ നേടാന് സാധിച്ചുള്ളൂ. മൂന്നാമത് റീഫോം യുകെയുടെ ട്രിട്രാം കെന്നഡി ഹാര്പ്പറാണ് എത്തിയത്. 10,141 വോട്ടുകള് ആണ് ഹാര്പ്പര് നേടിയത്. ആഷ്ഫോര്ഡ് മണ്ഡലത്തില് ആകെ ആറ് സ്ഥാനാര്ത്ഥികളാണ് മത്സര രംഗത്തുണ്ടായിരുന്നത്. അതില് സോജന് ജോസഫിന് 32.5 ശതമാനം വോട്ട് ലഭിച്ചു. പതിറ്റാണ്ടുകളായി കണ്സര്വേറ്റീവ് പാര്ട്ടിയുടെ കുത്തക മണ്ഡലമായിരുന്ന ആഷ്ഫഡില് തെരേസ മേയ് മന്ത്രിസഭയില് മന്ത്രിയും ഡെപ്യൂട്ടി പ്രധാനമന്ത്രിയുടെ താല്ക്കാലിക ചുമതലയും വഹിച്ചിട്ടുള്ള ഡാമിയന് ഗ്രീനിനെതിരായ സോജന്റെ ജയത്തിന് തിളക്കമേറെയാണ്. 1997 മുതല് തുടര്ച്ചയായി ഇവിടെനിന്ന് വിജയിക്കുന്ന ഡാമിയന് ഗ്രീനിന് കഴിഞ്ഞ തെരഞ്ഞെടുപ്പില് 13,000 വോട്ടിന്റെ ഭൂരിപക്ഷം ഉണ്ടായിരുന്നു.
1997 മുതല് തുടര്ച്ചയായി ഇവിടെനിന്നും വിജയിക്കുന്ന ഡാമിയന് ഗ്രീന് കഴിഞ്ഞ തിരഞ്ഞെടുപ്പില് 13,000 വോട്ടായിരുന്നു ഭൂരിപക്ഷം.എന്നാല് ഈ പ്രാവശ്യം പ്രീപോള് സര്വേകള് നേരത്തേ തന്നെ സോജന്റെ വിജയം പ്രവചിച്ചിരുന്നു നിലവില് എയില്സ്ഫോര്ഡിനെയും ഈസ്റ്റ് സ്റ്റോര് വാര്ഡിനെയും പ്രതിനിധീകരിക്കുന്ന ഒരു ബറോ കൗണ്സിലറാണ് സോജന് ജോസഫ്. കഴിഞ്ഞ 22 വര്ഷമായി നാഷണല് ഹെല്ത്ത് സര്വീസില് ജോലി ചെയ്തു വരികയാണ് അദ്ദേഹം. നിലവില് നഴ്സിംഗ്, ഗുണനിലവാരം, രോഗികളുടെ സുരക്ഷ എന്നീ വിഭാഗങ്ങളുടെ തലവനായി ജോലി ചെയ്യുകയാണ് സോജന്. കെന്റ് ആന്ഡ് മെഡ്വേ എന് എച്ച് എസ് ആന്ഡ് സോഷ്യല് കെയര് പാര്ട്ണര്ഷിപ്പ് ട്രസ്റ്റില് മാനസികാരോഗ്യവിഭാഗം നഴ്സിങ് മേധാവിയാണ്
വില്യം ഹാര്വി ഹോസ്പിറ്റല് ആസ്ഥാനമായുള്ള അരുണ്ടേല് യൂണിറ്റില് ജൂനിയര് നഴ്സായാണ് യുകെയില് അദ്ദേഹം തന്റെ ആതുരസേവനം ആരംഭിച്ചത്. പിന്നീട് ആഷ്ഫെഡിലേക്ക് മാറി. രണ്ടുപതിറ്റാണ്ടു മുന്പ് ഏറ്റുമാനൂരിനടത്തു കൈപ്പുഴയില് നിന്ന് യുകെയിലേക്ക് ജോലി സൗകര്യാര്ഥം കുടിയേറിയതാണ് സോജന്. കോട്ടയം കൈപ്പുഴ ചാമക്കാലായില് കുടുംബാംഗമാണ് സോജന് ജോസഫ്. ഭാര്യ ബ്രിട്ട യുകെയില് നഴ്സായി ജോലി ചെയ്യുകയാണ്. ബെംഗളുരൂവില് നഴ്സിങ് പഠനം പൂര്ത്തിയാക്കിയ സോജന് ജോസഫ് മാന്നാനം കെഇ കോളേജിലെ പൂര്വ വിദ്യാര്ഥിയാണ്. സോജന്റെ സഹോദരി സിബി ജോസഫും ലണ്ടനിലാണ്. പിതാവ് സി ടി ജോസഫ് ചാമക്കാലയിലും മകന്റെ യുകെയിലെ തിരഞ്ഞെടുപ്പ് വിജയത്തിന്റെ ആവേശത്തിലാണ്. സോജന് രണ്ട് പെണ്മക്കളും ഒരു ആണ്കുട്ടിയുമാണുള്ളത്, ഹന്ന, സാറ, മാത്യു എന്നിവരാണ് മക്കള്. അതേസമയം, ബ്രിട്ടീഷ് പാര്ലമെന്റിലേക്ക് നടന്ന പൊതു തിരഞ്ഞെടുപ്പില് ചരിത്ര വിജയമാണ് ലേബര് പാര്ട്ടി നേടിയിരിക്കുന്നത്. 650 അംഗ പാര്ലമെന്റിലേക്ക് നടന്ന തിരഞ്ഞെടുപ്പില് കേവല ഭൂരിപക്ഷത്തിന് ആവശ്യമായ 326 സീറ്റ് ലേബര് പാര്ട്ടി മറികടന്നിരിക്കുകയാണ്. പതിനാല് വര്ഷത്തെ കണ്സര്വേറ്റീവ് പാര്ട്ടിയുടെ ഭരണത്തിനാണ് ഇതോടെ അന്ത്യമായിരിക്കുന്നത്. ഋഷി സുനാക്ക് തോല്വി അംഗീകരിക്കുന്നതായി പ്രഖ്യാപിച്ചിരുന്നു.
2025 ജനവരി വരെയായിരുന്നു ഋഷി സുനക് സര്ക്കാരിന്റെ കാലാവധി. എന്നാല് സ്വന്തം പാര്ട്ടിക്കാരെ പോലും ഞെട്ടിച്ച് കൊണ്ട് മെയ് 22 ന് അദ്ദേഹം രാജ്യത്ത് അപ്രതീക്ഷിതമായി പൊതുതിരഞ്ഞെടപ്പ് പ്രഖ്യാപിക്കുകയായിരുന്നു. കണ്സേര്വേറ്റീവ് പാര്ട്ടി പരാജയം രുചിച്ചേക്കുമെന്നുള്ള അഭിപ്രായ സര്വ്വേകള് വന്നതിന് പിന്നാലെയായിരുന്നു തീരുമാനം. ഇതിനെതിരെ പാര്ട്ടിക്കുള്ളില് രൂക്ഷ വിമര്ശനം ഉയര്ന്നിരുന്നു. എന്നാല് തിരഞ്ഞെടുപ്പ് നേരത്തേ നടത്തുന്നത് അനുകൂല തരംഗം ഉണ്ടാക്കുമെന്നായിരുന്നു സുനകിന്റെ വിലയിരുത്തല്. ഈ കണക്കുകൂട്ടലുകളെല്ലാമാണ് ഇപ്പോള് പാടെ തകര്ന്നിരിക്കുന്നത്.
ലേബര് പാര്ട്ടിയുടെ കെയ്ര് സ്റ്റാര്മര് ഇതോടെ യുകെയുടെ പുതിയ പ്രധാനമന്ത്രിയാകും. ഹോല്ബോണ് ആന്ഡ് സെന്റ് പാന്ക്രാസ് സീറ്റില് നിന്നാണ് അദ്ദേഹത്തിന്റെ ജയം. നേരത്തെ 410 സീറ്റും ലേബര് പാര്ട്ടി നേടുമെന്നായിരുന്നു എക്സിറ്റ് പോള് ഫലങ്ങള് സൂചിപ്പിച്ചിരുന്നത്. ഇതിനോട് ചേര്ന്ന് നില്ക്കുന്നതാണ് ഇപ്പോഴത്തെ കണക്കുകള്. അന്തിമ ഫലം വന്നാല് മാത്രമേ കൃത്യമായ സീറ്റ് നില അറിയാന് കഴിയൂ. നേരത്തെ ആഷ്ഫോര്ഡിലെ എംപി നമ്മുടെ സമൂഹത്തിന് വേണ്ടി നില കൊള്ളുമെന്നു വോട്ടര്മാരോട് നടത്തിയ പ്രസ്താവനയില് സോജന് പറഞ്ഞിരുന്നു. ഇവിടുത്തെ മലയാളി സമൂഹം സോജന്റെ ജയത്തെ പ്രതീക്ഷയോടെയാണ് കാണുന്നത്.
https://www.facebook.com/Malayalivartha