പാകിസ്ഥാന്റെ പ്രവർത്തനങ്ങൾക്ക് തീർച്ചയായും അനന്തരഫലങ്ങൾ ഉണ്ടാകും; പാകിസ്ഥാനെതിരെ ആഞ്ഞടിച്ച് ഇന്ത്യൻ വിദേശകാര്യ മന്ത്രി എസ് ജയശങ്കർ
പാകിസ്ഥാനെതിരെ ആഞ്ഞടിച്ച് ഇന്ത്യൻ വിദേശകാര്യ മന്ത്രി എസ് ജയശങ്കർ. ഐക്യരാഷ്ട്രസഭയുടെ 79-ാമത് ജനറൽ അസംബ്ലി സമ്മേളനത്തിലയിരുന്നു പാകിസ്താനെതിരെ രൂക്ഷ വിമർശനമുന്നയിച്ചത്. പാകിസ്ഥാൻ്റെ തീവ്രവാദ നയത്തിന് മുന്നറിയിപ്പ് എന്ന രീതിയിലാണ് അദ്ദേഹം സംസാരിച്ചത്.
പതിറ്റാണ്ടുകൾ പഴക്കമുള്ളതാണ് പാകിസ്ഥാൻ്റെ തീവ്രവാദ നയം . പാകിസ്ഥാന്റെ പ്രവർത്തനങ്ങൾക്ക് തീർച്ചയായും അനന്തരഫലങ്ങൾ ഉണ്ടാകുമെന്നും എസ് ജയശങ്കർ മുന്നറിയിപ്പ് നൽകി. അതിർത്തി കടന്നുള്ള പാകിസ്ഥാൻ്റെ ഭീകരവാദ നയം വിജയിക്കില്ല. ഇത്തരം പ്രവർത്തനങ്ങൾക്ക് തീർച്ചയായും അനന്തരഫലങ്ങൾ ഉണ്ടാകും.
തീവ്രവാദത്തോടുള്ള പാകിസ്ഥാൻ്റെ ബന്ധം ഉപേക്ഷിക്കണമെന്നും ജയശങ്കർ മുന്നറിയിപ്പ് നൽകി. 1947-ൽ രൂപീകൃതമായതുമുതൽ ഏറ്റവും മോശമായ സാമ്പത്തിക പ്രതിസന്ധി നേരിടുകയാണ് പാകിസ്ഥാൻ, വിനാശകരമായ പ്രത്യാഘാതങ്ങൾ നേരിടേണ്ടി വന്ന ബോധപൂർവമായ നയം കാരണമാണ് ഈ അവസ്ഥയിൽ എത്തിയതെന്നും അദ്ദേഹം വ്യക്തമാക്കി.
https://www.facebook.com/Malayalivartha