കശ്‍മീർ വിഷയത്തിൽ  ഇന്ത്യയും പാകിസ്താനും നടത്തുന്ന പോരുകളും പോരാട്ടങ്ങളും വലുതാണ്. അതിനിടയിൽ  ഇന്ത്യന്‍ ഭൂപടം തെറ്റായി പ്രസിദ്ധീകരിക്കുന്ന പ്രവണത പള്ളപ്പോഴായി പലരും പ്രകടിപ്പിച്ചിട്ടുണ്ട്.   പാകിസ്ഥാൻ ,ചൈന എന്തിനു ലോകാരോഗ്യ സംഘടന വരെ  കാശ്മീരിനെ പാകിസ്താന്റെ ഭാഗമായി ചിത്രീകരിച്ച്   ഭൂപടം പുറത്തിറക്കി വിവാദത്തിലായിട്ടുണ്ട്.

ഇപ്പോൾ ഇതാ ഇസ്രയേലിന്റെ ഭാഗത്ത് നിന്ന് ഇന്ത്യയെ നടുക്കുന്ന ഒരു നീക്കം ഉണ്ടായിരിക്കുകയാണ്.   ജമ്മുകശ്മീരിനെ പാകിസ്താന്‍റെ ഭാഗമായി ചിത്രീകരിച്ച്  ഇന്ത്യന്‍ ഭൂപടം  പ്രസിദ്ധീകരിച്ചിരിക്കുകയാണ് ഇസ്രായേല്‍ .അക്ഷരാർത്ഥത്തിൽ ഇന്ത്യയെ ഞെട്ടിക്കുന്ന നീക്കമാണ് നടത്തിയിരിക്കുന്നത്.  എന്നാൽ ഇന്ത്യ ഈ വിഷയത്തിൽ  പ്രതിഷേധമറിയിച്ചു. അതേത്തുടർന്ന്   ഇന്ത്യന്‍ ഭൂപടം ഇസ്രായേല്‍ നീക്കം ചെയ്തു.

ഇന്ത്യയില്‍ നിന്നുള്ള പ്രതിഷേധത്തെ തുടര്‍ന്നായിരുന്നു  ഇസ്രായേല്‍ സര്‍ക്കാര്‍ തങ്ങളുടെ വെബ്സൈറ്റില്‍ നിന്ന് ഭൂപടം നീക്കം ചെയ്തത്. ഇസ്രായേല്‍ അംബാസിഡര്‍ റൂവൻ അസര്‍ നൽകിയിരിക്കുന്ന വിശദീകരണം എഡിറ്ററുടെ പിഴവ് കാരണമാണ്  ഭൂപടം തെറ്റായി പ്രസിദ്ധീകരിച്ചതെന്നാണ്. വെബ്സൈറ്റ് എഡിറ്ററുടെ തെറ്റാണ് ഇത് എന്നും ശ്രദ്ധയില്‍ പെടുത്തിയതിന് നന്ദി. നീക്കം ചെയ്‌തു എന്നും അധികൃതർ അറിയിച്ചു.