സംഘർഷഭരിതമായി പശ്ചിമേഷ്യ; യുദ്ധഭീഷണിക്കിടെ മൂന്ന് ഇന്ത്യൻ നാവികസേനാ കപ്പലുകൾ ഇറാൻ തീരത്ത്; ലക്ഷ്യം ഇതായിരുന്നു
സംഘർഷഭരിതമായി പശ്ചിമേഷ്യ മാറിയിരിക്കുകയാണ് . ഇസ്രായേൽ ഹമാസ്- ഇസ്രായേൽ ഹിസ്ബുള്ള പോരാട്ടം പശ്ചിമേഷ്യയെ ആശങ്കപരമായ സാഹചര്യത്തിലേക്കാണ് തള്ളിയിട്ടിരിക്കുന്നത്. എന്നാൽ അതിനിടയിൽ യുദ്ധഭീഷണിക്കിടെ കഴിഞ്ഞ ദിവസം മൂന്ന് ഇന്ത്യൻ നാവികസേനാ കപ്പലുകൾ ഇറാൻ തീരത്ത് നങ്കൂരമിട്ടിരിക്കുന്നത് മറ്റൊരു ആശങ്കയുണർത്തിയിരിക്കുകയാണ് .
ഇസ്രായേലിലെ ഇറാൻ മിസൈൽ ആക്രമണത്തിനും പ്രത്യാക്രമണമുണ്ടാകുമെന്ന സാഹചര്യത്തിനിടയിലുമാണ് ഇന്ത്യയുടെ ഇത്തരത്തിൽ ഉള്ള നീക്കം . ഐഎൻഎസ് ഷർദുൽ, ഐഎൻഎസ് തീർ, ഐസിജിഎസ് വീര എന്നീ കപ്പലുകളാണ് ബന്ദർ അബ്ബാസ് തുറമുഖത്ത് എത്തിയത്. ഇറാൻ നാവികസേനാ കപ്പലായ സെറ പ്രത്യേകമായ ഉപചാരങ്ങളോടെ ഇന്ത്യൻ കപ്പലുകളെ തുറമുഖത്തേക്ക് സ്വീകരിക്കുകയും ചെയ്തു . എന്നാൽ യുദ്ധവുമായി ഇതിന് ബന്ധമില്ല .
പേർഷ്യൻ കടലിടുക്കിൽ നടക്കുന്ന സൈനികാഭ്യാസത്തിനു വേണ്ടിയാണ് ഇന്ത്യൻ കപ്പലുകൾ എത്തിയത് എന്നാണ് വിവരങ്ങൾ സൂചിപ്പിക്കുന്നത് .ഇന്ത്യൻ നേവി വാർത്താകുറിപ്പിലൂടെ നല്കിയിരിക്കുന്ന വിശദീകരണം , ഇന്ത്യയും ഇറാനും തമ്മിലുള്ള നാവിക സഹകരണം ശക്തിപ്പെടുത്തുന്നതിനോടനുബന്ധിച്ചാണ് ഇന്ത്യൻ നാവികസേനാ കപ്പലുകൾ ഇറാൻ തീരത്ത് എത്തിയത് എന്നാണ്. ഇന്ത്യൻ കപ്പലുകൾ ഇറാൻ സന്ദർശിക്കുന്നത്, നാവികസഹകരണ പ്രവർത്തനങ്ങൾ വിപുലപ്പെടുത്തുക പരസ്പര സഹകരണം ശക്തിപ്പെടുത്തുക എന്നീ ലക്ഷ്യങ്ങളോടെയാണ്.
https://www.facebook.com/Malayalivartha