ഇസ്രായേൽ യുദ്ധക്കളത്തിൽ രാവെന്നോ പകലെന്നോ ഇല്ലാതെ അടിച്ചു കയറുകയാണ് . കനത്ത ആക്രമണത്തിൽ ഹിസ്ബുള്ള കേന്ദ്രങ്ങൾ എല്ലാം ഛന്നംഭിന്നമാവുന്ന കാഴ്ചയും കാണാൻ സാധിക്കുന്നുണ്ട് . അതെ സമയം ഇസ്രായേലിന് നേരെയും വലിയൊരു പടപ്പുറപ്പാട് നടത്താനുള്ള തയ്യാറെടുപ്പിലാണ് ശത്രു രാജ്യങ്ങൾ. അതിനായി പറ്റുന്നവരെയെല്ലാം സംഘടിപ്പിച്ചു നിർത്താനുള്ള നീക്കങ്ങൾ തുടങ്ങി കഴിഞ്ഞു. ഇപ്പോൾ
ഇസ്രയേൽ – സിറിയ അതിർത്തിയിലെ ഗോലാൻ കുന്നുകളിൽ ഇറാഖി സായുധസംഘം നടത്തിയ ഡ്രോൺ ആക്രമണത്തിൽ രണ്ടു സൈനികർ കൊല്ലപ്പെട്ടു.

ഇസ്രയേൽ ഡിഫൻസ് ഫോഴ്സിലെ സൈനികരാണ് ഇറാൻ പിന്തുണയുള്ള ഇറാഖി സായുധസംഘടനയുടെ ‍ഡ്രോൺ ആക്രമണത്തിൽ കൊല്ലപ്പെട്ടത്. ഇറാന് നേരെ ഏത് തലത്തിലാവും ആക്രമണം ഉണ്ടാവുക എന്നുള്ളത് ലോകം മുഴുവൻ ഭയത്തോടെ ഉറ്റു നോക്കുകയാണ് . അമേരിക്കയടക്കം പൂർണ പിന്തുണ നൽകി കൊണ്ടാണ് രംഗത്തുള്ളത് . ഇതിനിടയിൽ ഇറാന്റെ ആണവകേന്ദ്രങ്ങൾ ഇസ്രയേൽ തകർക്കണമെന്ന് ആവശ്യപ്പെട്ട് മുൻ അമേരിക്കൻ പ്രസിഡന്റും റിപ്പബ്ലിക്കൻ സ്ഥാനാർത്ഥിയുമായ ഡൊണാൾഡ് ട്രംപ്. ഇസ്രയേലിനുമേൽ ഇറാൻ നടത്തിയ ആക്രമണങ്ങളോട് പ്രതികരിക്കുകയായിരുന്നു അദ്ദേഹം.

ഇറാനെതിരെ കൂടുതൽ ഉപരോധം വേണമെന്നും ഇറാന്റെ ആണവകേന്ദ്രങ്ങൾ ഇസ്രയേൽ അക്രമിക്കുന്നത് അം​ഗീകരിക്കില്ലെന്നുമുള്ള പ്രസിഡന്റ് ജോ ബൈഡന്റെ പരാമർശം വന്നതിന് തൊട്ടുപിന്നാലെയാണ് ഡൊണാൾഡ് ട്രംപിന്റെ പ്രസ്താവന വന്നത്.
നോർത്ത് കരോലിനയിൽ തിരഞ്ഞെടുപ്പ് പ്രചാരണത്തിനിടെസംസാരിക്കുകയായിരുന്നു ഡൊണാൾഡ് ട്രംപ്. പ്രചാരണം പുരോ​ഗമിക്കവേ ഇസ്രയേൽ-ഇറാൻ പ്രശ്നങ്ങളേക്കുറിച്ചും ഇസ്രയേലിൽ ഇറാൻ 200 തവണ നടത്തിയ മിസൈൽ ആക്രമണങ്ങളേക്കുറിച്ചും ചോദ്യമുയർന്നു. ഇതിനോടായിരുന്നു ട്രംപ് തന്റെ അഭിപ്രായം തുറന്നുപറഞ്ഞത്. ഇറാന്റെ ആണവകേന്ദ്രങ്ങൾ ആദ്യം ബോംബിട്ട് തകർക്കുകയാണ് ഇസ്രയേൽ ചെയ്യേണ്ടതെന്ന് അദ്ദേഹം പറ‍ഞ്ഞു