വിമാനങ്ങൾക്ക് നേരെ ബോംബ് ഭീഷണി ശക്തം; ഡൽഹിയിൽ നിന്ന് ലണ്ടനിലേക്ക് പോവുകയായിരുന്ന വിസ്താര വിമാനം ഫ്രാങ്ക്ഫർട്ടിലെ വിമാനത്താവളത്തിൽ അടിയന്തരമായി ഇറക്കി
വിമാനങ്ങൾക്ക് നേരെ ബോംബ് ഭീഷണി ശക്തമാകുകയാണ്. ബോംബ് ഭീഷണിയെ തുടർന്ന് ഡൽഹിയിൽ നിന്ന് ലണ്ടനിലേക്ക് പോവുകയായിരുന്ന വിസ്താര വിമാനം ഫ്രാങ്ക്ഫർട്ടിലെ വിമാനത്താവളത്തിൽ അടിയന്തരമായി ഇറക്കി. വിസ്താരയുടെ യുകെ 17 എന്ന വിമാനത്തിനാണ് ബോംബ് ഭീഷണിയുണ്ടായത്.
വെളളിയാഴ്ച പുറപ്പെട്ട വിമാനത്തിലായിരുന്നു ബോംബ് ഭീഷണിയുണ്ടായത്. സോഷ്യൽമീഡിയയിലൂടെയായിരുന്നു സന്ദേശം കിട്ടിയത് . ഇതോടെ വിമാനം ഫ്രാങ്ക്ഫർട്ടിലെ വിമാനത്താവളത്തിൽ ഇറക്കുകയായിരുന്നു. വിശദമായ പരിശോധന നടത്തി . പ്രോട്ടോക്കോൾ അനുസരിച്ച് അധികൃതരെ വിവരമറിയിച്ചു .
ഫ്രാങ്ക്ഫർട്ടിലേക്ക് വിമാനം തിരിച്ചുവിടാൻ പൈലറ്റുമാർ തീരുമാനിക്കുകയായിരുന്നു. കഴിഞ്ഞ കുറച്ച് ദിവസങ്ങളിലായി വ്യാജ ബോംബ് ഭീഷണികളെ തുടർന്ന് നിരവധി വിമാനങ്ങളുടെ സർവീസുകളെ ബാധിച്ചിരുന്നു . വിശദമായ അന്വേഷണത്തിന് കേന്ദ്രം ഉത്തരവിട്ടു.
https://www.facebook.com/Malayalivartha