അമേരിക്കൻ തിരഞ്ഞെടുപ്പ് കഴിഞ്ഞതോടെ തന്നെ അതിന്റെ മാറ്റങ്ങൾ ലോകത്തിന്റെ പല കോണുകളിലും സംഭവിച്ചു കൊണ്ട് ഇരിക്കുകയാണ് . അതുകൊണ്ടാണ് ഖത്തറിലും ഒരു മാറ്റം ഉണ്ടായിരിക്കുന്നത്. അമേരിക്കയെ ഡൊണാള്‍ഡ് ട്രംപ് കീഴടക്കുമ്പോള്‍ മാറി ചിന്തിക്കുകയാണ് ഖത്തറും. യുഎസ് സമ്മര്‍ദത്തിനു വഴങ്ങി ഹമാസ് നേതാക്കളോട് രാജ്യം വിടാന്‍ ആവശ്യപ്പെട്ട് ഖത്തര്‍. യുഎസ് പ്രസിഡന്റായി ട്രംപ് അധികാരമേറ്റത്തിന് തൊട്ട് പിന്നാലെയാണ് ഖത്തറിന്റെ നയം മാറ്റം.

ഇസ്രായേല്‍-ഹമാസ് യുദ്ധത്തില്‍ നിര്‍ണായക വഴിത്തിരിവുകള്‍ ഉണ്ടാകുമെന്നതിനുള്ള തെളിവാണ് ഖത്തറിന്റെ നയം മാറ്റം.യുഎസ് ഉദ്യോഗസ്ഥരുമായി നടത്തിയ ചര്‍ച്ചകള്‍ക്ക് പിന്നാലെയാണ് ഖത്തറിന്റെ നയം മാറ്റം. ഏകദേശം 10 ദിവസം മുന്‍പാണ് അഭ്യര്‍ഥന നടത്തിയത്. എന്നാല്‍ തീരുമാനം വരുന്നത് ട്രംപ് അധികാരമേറ്റതിന് പിന്നാലെയാണ്. ഇതോടെ ഇസ്രായേല്‍-ഹമാസ് യുദ്ധത്തില്‍ ട്രംപ് നിര്‍ണായക സ്വാധീനം ചെലുത്തുമെന്ന വാദത്തില്‍ കൂടുതല്‍ വ്യക്തത വരികയാണ്. എന്നാല്‍ എത്ര ദിവസത്തിനുള്ളില്‍ രാജ്യം വിടണമെന്ന നിര്‍ദേശമാണ് നല്‍കിയതെന്നത് വ്യക്തമല്ല. ഏതായാലും ഖത്തറില്‍ നിന്നും ഹമാസിന് പുറത്തേക്ക് പോകേണ്ടി വരും.

ഖത്തറിന് പുറത്തുള്ള പ്രധാന നേതാക്കളെ എല്ലാം ഇസ്രയേല്‍ വകവരുത്തിയിട്ടുണ്ട്. അതുകൊണ്ട് തന്നെ ഖത്തറിലുള്ള ആരും പുറത്തേക്ക് പോകുന്നുമില്ല. ഇത് മനസ്സിലാക്കിയാണ് അമേരിക്ക സമ്മര്‍ദ്ദവുമായി എത്തുന്നത്.2012 മുതല്‍ ഹമാസിന്റെ രാഷ്ട്രീയ കാര്യങ്ങള്‍ കൈകാര്യം ചെയ്യുന്ന ഓഫീസ് പ്രവര്‍ത്തിക്കുന്നത് ഖത്തറിലെ ദോഹയിലാണ്.ഈ സാന്നിധ്യം ഇനി അംഗീകരിക്കാനാവില്ലെന്നാണ് യുഎസ് ഖത്തറിനെ അറിയിച്ചത്. ഗാസയില്‍ നടക്കുന്ന യുദ്ധം അവസാനിപ്പിക്കുന്നതിനായി യുഎസും ഈജിപ്തും നടത്തിയ ചര്‍ച്ചകളില്‍ ഖത്തറും പങ്കാളിയായിരുന്നു.

സമാധാന കരാറിന് വഴങ്ങാന്‍ ഹമാസിനോട് നിര്‍ദേശിക്കണമെന്ന് യുഎസ് ഖത്തറിനോട് ആവശ്യപ്പെട്ടിരുന്നു. ഹമാസ് ഖത്തറില്‍ തുടരുന്നത് ഇരു രാജ്യങ്ങളുടെയും ബന്ധം വഷളാക്കുമെന്നും വൈറ്റ്ഹൗസ് മുന്നറിയിപ്പ് നല്‍കിയിരുന്നു. ഇതാണ് ഖത്തര്‍ അംഗീകരിക്കുന്നത്.ഏതായാലും അതോടു കൂടി തന്നെ പല നേതാക്കളും പുറത്തു വരുമ്പോൾ എല്ലാവരെയും തീർക്കാനായിട്ട് ഇസ്രായേൽ പുറത്തു തയ്യാറായി നിൽക്കുകയാണ്. ഏതായാലും എന്തായിരിക്കും പശ്ചിമേഷ്യയിൽ സംഭവിക്കാൻ പോകുന്നത് എന്നുള്ളതാണ് എല്ലാവരും ഉറ്റു നോക്കുന്നത് .