471 ദിവസങ്ങൾക്ക് ശേഷം അവർ സ്വന്തം മണ്ണിലേക്ക് മടങ്ങിയെത്തി. മൂന്ന് അമ്മമാരുടെ കാത്തിരിപ്പിന് വിരാമമായി. മടങ്ങിയെത്തിയ പ്രിയപ്പെട്ട മക്കളെ ആ അമ്മമാർ ചേർത്തുപിടിച്ചു. റോമി ഗോനെൻ, ഡോറൺ സ്റ്റെയിൻബ്രെച്ചർ, എമിലി ദമാരി എന്നിവരായാണ് ഇസ്രായേലുമായുള്ള വെടിനിർത്തൽ കരാറിൻ്റെ ഭാഗമായി ഹമാസ് വിട്ടയച്ചത്. 15 മാസത്തിന് ശേഷം ഹമാസിന്റെ കൈകളിൽ നിന്ന് രക്ഷപ്പെട്ട് എത്തിയ മൂന്ന് ഇസ്രായേലികൾക്ക് പുതുജീവിതമാണ് നൽകിയത്.

​ഗാസയിലെ സംഘർ‌ഷം അവസാനിപ്പിച്ച് വെടിനിർത്തൽ കരാർ പ്രബാല്യത്തിൽ വന്നതോടെയാണ് ബന്ദികളാക്കിയ മൂന്ന് യുവതികളെ ഞായറാഴ്ചയാണ് ഹമാസ് മോചിപ്പിച്ചത്. ബന്ദികളെ ഇസ്രായേലിന് കൈമാറുന്നതിനിടെ ഹമാസ്  അവരുടെ പക്കൽ ഏൽപ്പിച്ച ‘​ഗിഫ്റ്റ് ബാ​ഗ്’ എന്ന് വിശേഷിപ്പിക്കുന്ന കവറാണ് ഇപ്പോൾ ചർ‌ച്ചയാകുന്നത്.15 മാസത്തെ തടവിന്റെ സ്മരണയ്‌ക്കായാണ് ഹമാസ് ‘​ഗിഫ്റ്റ് ബാ​ഗ്’ നൽകിയത്. തടവിലുള്ള സമയത്തെ ഫോട്ടോകളും ​ഗാസ ന​ഗരത്തിന്റെ ഫോട്ടോയും ഒരു സർട്ടിഫിക്കറ്റുമാണ് ​ഗിഫ്റ്റ് ബാ​ഗിൽ ഉണ്ടായിരുന്നത്.

അത് സൂക്ഷിച്ച് കൈകാര്യം ചെയ്യുകയാണ് ഇസ്രായേൽ . ക്രൂരതകളുടെ ദിനങ്ങളെ ഓർമ്മിച്ചെടുക്കാൻ ഹമാസ് ഭീകരർ നൽകിയ ‘വലിയ സമ്മാനം’! മറക്കാൻ ശ്രമിക്കുന്ന ദിനങ്ങൾ ഓർത്തെടുക്കാനാണ് സമ്മാന കവർ നൽകിയത്. അവ സ്വീകരിക്കാതെ യുവതികൾക്ക് തിരികെ വരാൻ കഴിയില്ലെന്ന തിരിച്ചറിഞ്ഞതോടെയാണ് മൂവരും പേപ്പർ ബാ​ഗ് വാങ്ങിയത്. ഇതിന്റെ ദൃശ്യങ്ങളും വീഡിയോയും പുറത്തുവന്നിട്ടുണ്ട്.

ഹമാസിന്റെ നീച പ്രവൃത്തിയെ ക്രൂരതയുടെ പുതിയ നിർവചനമെന്നാണ് സമൂ​ഹമാദ്ധ്യമങ്ങൾ പ്രത്യക്ഷപ്പെടുന്ന കമൻ്റ്. ഹമാസ് ഭീകരർ മാനസികരോ​ഗികളാണെന്നും പലരും അഭിപ്രായപ്പെട്ടു. എന്നാൽ ഹമാസ് അനുകൂലികൾ ഇതിൽ ആഹ്ലാദം പ്രകടിപ്പിക്കുകയും ചെയ്തു