രണ്ട് അമേരിക്കന്‍ സൈനിക വിമാനങ്ങളിലായാണ് കൊളംബിയയില്‍, നിന്നുള്ള കുടിയേറ്റക്കാരെ അവരുടെ രാജ്യത്തേക്ക് തിരിച്ചയച്ചു...ഈ വിമാനങ്ങള്‍ക്ക് കൊളംബിയയില്‍ ലാന്‍ഡ് ചെയ്യാന്‍ അനുമതി ലഭിച്ചില്ല...
അനധികൃത കുടിയേറ്റക്കാരെ ഏതുവിധേനയും ഒഴിപ്പിക്കുമെന്ന കടുത്ത നിലപാടിലാണ് അമേരിക്കന്‍ പ്രസിഡന്റ് ഡൊണാള്‍ഡ് ട്രംപ്. അത് അദ്ദേഹം അധികാരത്തിൽ ഏറിയാൽ ആദ്യം ചെയ്യാൻ പോകുന്ന കാര്യമായിരിക്കുമെന്ന് നേരത്തെ പ്രഖ്യാപിച്ചിട്ട് ഉണ്ടായിരുന്നു . ഇപ്പോഴിതാ അതിനുള്ള നീക്കങ്ങൾ എല്ലാം കർശനമാക്കിയിരിക്കുകയാണ്. ഓരോ രാജ്യങ്ങളില്‍ നിന്നുമുള്ള അനധികൃത കുടിയിറ്റക്കാരെ കയറ്റി അയക്കുകയാണ് ട്രംപ് ചെയ്യുന്നത്.
എന്നാല്‍ മറ്റുരാജ്യങ്ങളെ മുഖവിലക്കെടുക്കാതെയുള്ള ട്രംപിന്റെ നടപടികള്‍ അന്താരാഷ്ട്ര തലത്തില്‍ വലിയ എതിര്‍പ്പുകള്‍ക്കും കാരണമാകുന്നു. എന്നാല്‍, ഈ എതിര്‍പ്പുകളെ നികുതി കൂട്ടുമെന്ന ഭീഷണി ഉയര്‍ത്തി ഇല്ലാതാക്കുകയാണ് ട്രംപ് ചെയ്യുന്നത്. കൊളംബിയ എന്ന ലാറ്റിന്‍അമേരിക്കന്‍ രാജ്യവും ട്രംപിന്റെ നയത്തില്‍ നട്ടംതിരികുയയാണ്.സോഷ്യലിസ്റ്റായ പ്രസിഡന്റായ ഗുസ്താവോ പെട്രോ ഭരിക്കുന്ന കൊളംബിയയോട് ട്രംപിന് അശ്ശേഷം താല്‍പ്പര്യമില്ല.
അതുകൊണ്ട് തന്നെ അമേരിക്കയിലെ അനധികൃത കൊളംബിയന്‍ കുടിയേറ്റക്കാരെ തിരിച്ചയച്ചു തുടങ്ങിയിരുന്നു. രണ്ട് അമേരിക്കന്‍ സൈനിക വിമാനങ്ങളിലായാണ് കൊളംബിയയില്‍ നിന്നുള്ള കുടിയേറ്റക്കാരെ അവരുടെ രാജ്യത്തേക്ക് തിരിച്ചയച്ചത്. എന്നാല്‍ ഈ വിമാനങ്ങള്‍ക്ക് കൊളംബിയയില്‍ ലാന്‍ഡ് ചെയ്യാന്‍ അനുമതി ലഭിച്ചില്ല. ഇതോടെ വിമാനങ്ങള്‍ക്ക് തിരികേ അമേരിക്കയിലേക്ക് മടങ്ങേണ്ടി വന്നു.ഈ സംഭവത്തോടെ ട്രംപ് ആകെ രോഷാകുലനാണ്. ഇതോടെ അമേരിക്കയില്‍ വില്‍ക്കുന്ന കൊളംബിയന്‍ ഉല്‍പ്പന്നങ്ങള്‍ക്ക് മേല്‍ 25 ശതമാനം അധിക നികുതി ഏര്‍പ്പെടുത്തുകയാണ് ട്രംപ് ചെയ്തത്.
കൂടാതെ കൊളിംബിയന്‍ അധികൃതര്‍ക്ക് നല്‍കുന്ന ഡിപ്ലോമാറ്റിക് വിസ നിര്‍ത്തലാകക്കുകയും ചെയ്തു. സോഷ്യല്‍ ട്രൂത്ത് എന്ന സാമൂഹ്യ മാധ്യമത്തിലൂടെ ട്രംപ് ഇക്കാര്യം വ്യക്തമാക്കി. ഇതോട കൊളംബിയ സാമ്പത്തികമായി പ്രതിസന്ധിയിലാകുന്ന അ്‌വസ്ഥയുമായി. എന്നാല്‍ കൊളംബിയന്‍ പ്രസിഡന്റ് ഗുസ്താവോ പെട്രോ കുടിയേറ്റക്കാരെ തിരികെ എത്തിക്കാന്‍ തന്റെ സ്വകാര്യ വിമാനം വിട്ടുനല്‍കാമെന്നാണ് മറുപടി നല്‍കിയത്. മനുഷ്യത്വത്തിന് വില നല്‍കി മാന്യമായി അവരെ തിരിച്ചയക്കണം എന്നാണ് പെട്രോ ആവശ്യപ്പെട്ടത്.
ട്രംപിന്റെ തീരുമാനത്തില്‍ വിവാദം ചൂടിപിടിക്കുകയാണ്. അമേരിക്കയിലേക്ക് അനധികൃതമായി കുടിയേറിയവരെ അതത് രാജ്യങ്ങള്‍ സ്വീകരിക്കണം എന്നു തന്നെയാണ് ട്രംപിന്റെ നിലപാട്. ഇക്കാര്യം കൊളംബിയക്ക് എതിരായ നടപടിയിലൂടെ ഒരിക്കല്‍ കൂടി ട്രംപ് വ്യക്തമാക്കുകയും ചെയ്യുന്നു. അതേസമയം ട്രംപിന്റെ നാടുകടത്തല്‍ നടപടിയില്‍ പല രാജ്യങ്ങളും അമര്‍ഷത്തിലാണ്.
https://www.facebook.com/Malayalivartha
