ലോകത്തിലെ 112 രാജ്യങ്ങളിലെ ജയിലുകളിലായി 6,569 പേരാണ്‌ വിവിധ കുറ്റകൃത്യങ്ങളില്‍ ശിക്ഷിക്കപ്പെട്ട്‌ കഴിയുന്ന ഇന്ത്യക്കാര്‍. ഗള്‍ഫിലെ വിവിധ ജയിലുകളില്‍ കഴിയുന്നവരുടെ എണ്ണം 4,008 ആണ്‌. സൗദി അറേബ്യ 1691, കുവൈറ്റ്‌ 1161, യുഎഇ 1012, ഒമാന്‍ 82, ബഹ്‌റൈന്‍ 62എന്നിങ്ങനെയാണ്‌ തടവുകാരുടെ എണ്ണം. വിദേശകാര്യ സഹമന്ത്രി ഇ. അഹമ്മദ്‌ രാജ്യസഭയില്‍ വെളിപ്പെടുത്തിയതാണ്‌ ഇക്കാര്യം. വിവിധ രാജ്യങ്ങളില്‍ കഴിയുന്നവരെ പരസ്‌പരം കൈമാറാന്‍ 14 രാജ്യങ്ങളുമായി ഇന്ത്യ കരാര്‍ ഒപ്പുവച്ചിട്ടുണ്ട്‌.