ആഭ്യന്തര കലാപം തുടരുന്ന ഇറാക്കില് നിന്നും ഞെട്ടിക്കുന്ന വാര്ത്ത... 40 ഇന്ത്യന് തൊഴിലാളികളെ തീവ്രവാദികള് തട്ടിക്കൊണ്ടു പോയി, ഇന്ത്യന് പ്രതിനിധി ഇറാക്കിലേക്ക്
ഇറാക്കിലെ ആഭ്യന്തര കലാപത്തില് ഇന്ത്യക്കാര് പേടിച്ചത് തന്നെ സംഭവിച്ചു. ഇറാക്കില് കഴിയുന്ന 40 ഇന്ത്യക്കാരെ തട്ടിക്കൊണ്ടു പോയി. ഇറാക്കിലെ രണ്ടാമത്തെ വലിയ പട്ടണമായ മൊസൂളില് കരാറടിസ്ഥാനത്തില് ജോലി ചെയ്യുന്ന നിര്മാണ തൊഴിലാളികളേയാണ് ഐഎസ്ഐഎസ് തീവ്രവാദികള് തട്ടിക്കൊണ്ടു പോയത്.
കുര്ദുകളുടെ കേന്ദ്രമായ മൊസൂള് വിമതര് കഴിഞ്ഞയാഴ്ച പിടിച്ചടക്കിയിരുന്നു. തട്ടിക്കൊണ്ട് പോയവരുമായി ബന്ധപ്പെടാന് വിദേശകാര്യ മന്ത്രാലയം ശ്രമിക്കുന്നുണ്ട്. മലയാളി നഴ്സുമാര് ഉള്പ്പെടെയുള്ള ഇന്ത്യക്കാരെ സഹായിക്കാന് റെഡ്ക്രോസിന് നിര്ദ്ദേശം നല്കിയിട്ടുണ്ട്. ഇതിനോടകം സുന്നി വിമതസംഘം പിടിച്ചെടുത്ത തികൃത് നഗരത്തില് മലയാളി നഴ്സുമാര് ഉള്പ്പടെ നൂറോളം ഇന്ത്യക്കാര് ഉള്ളതായാണ് സൂചന.
ഇതിനിടെ ഇറാഖിലുള്ള ഇന്ത്യക്കാരെ തിരികെയെത്തിക്കാന് സൈന്യം സജ്ജരായിരിക്കണമെന്ന് വ്യോമസേനയ്ക്ക് സര്ക്കാര് നിര്ദ്ദേശം നല്കി. സി-17, സി-130 ജെ വിമാനങ്ങള് തയ്യാറാക്കണമെന്നാണ് നിര്ദ്ദേശം.
തലസ്ഥാനമായ ബാഗ്ദാദിന് 60 കിലോമീറ്റര് മാത്രം അകലെയാണ് തീവ്രവാദികള് ഇപ്പോള് . ഉടന് തന്നെ ഇറാക്കിന്റെ പതനം ഉണ്ടാകുമെന്ന് ഐക്യരാഷ്ട്ര സഭ പറയുന്നു. 75 അംഗ അമേരിക്കന് സേനാംഗങ്ങള് ഇറാഖിലെത്തിയിട്ടുണ്ട്. ഇറാഖില് വ്യോമാക്രമണം നടത്താന് തയ്യാറാണെന്ന് അമേരിക്ക ഇതിനോടകം അറിയിച്ചിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha