യു എസില്‍ 75 ശാസ്‌ത്രജ്ഞര്‍ക്ക്‌ ആന്ത്രാക്‌സ്‌ അണുബാധ
20 JUNE 2014 04:38 AM IST
മലയാളി വാര്‍ത്ത.
യുഎസ്‌ സര്‍ക്കാറിന്റെ നേരിട്ടുള്ള നിയന്ത്രണത്തില്‍ പ്രവര്‍ത്തിക്കുന്ന ഫെഡറല്‍ ലബോറട്ടറില്‍ 75 ശാസ്‌ത്രജ്ഞര്‍ക്ക്‌ ആന്ത്രാക്‌സ്‌ അണുബാധയേറ്റു. 75 പേരും നിലവില്‍ ചികിത്സയ്‌ക്ക്‌ വിധേയരായിരിക്കുകയാണ്‌. യുഎസ്‌ സെന്റര്‍ ഫോര്‍ ഡിസീസ്‌ കണ്‍ട്രോള്‍ ആന്‍ഡ്‌ പ്രിവന്‍ഷനാണ്‌ അന്ത്രാക്‌സ്‌ അണുബാധ സ്ഥിരീകരിച്ചത്‌.
ജൂണ്‍ 13-ന്‌ അറ്റ്‌ലാന്റയില്‍ പ്രവര്‍ത്തിക്കുന്ന ലാബിലാണ്‌ സംഭവം നടന്നത്‌. പരീക്ഷണങ്ങള്‍ നടത്തിയപ്പോള്‍ ആന്ത്രാക്‌സ്‌ അണുക്കളെ നിര്‍വീര്യമാക്കുന്ന നടപടികളില്‍ ഗുരുതരമായ വീഴ്‌ച സംഭവിച്ചതിനെ തുടര്‍ന്നാണ്‌ ശാസ്‌ത്രജ്ഞര്‍ക്ക്‌ അണുബാധയേറ്റത്‌.
ആന്ത്രാക്‌സ്‌ രോഗത്തിന്റെ ലക്ഷണങ്ങള്‍ ഒന്നും തന്നെ ഇതുവരെയും ശാസ്‌ത്രജ്ഞര്‍ക്ക്‌ റിപ്പോര്‍ട്ട്‌ ചെയ്‌തിട്ടില്ല. 60 ദിവസം നീണ്ടു നില്‍ക്കുന്ന ചികിത്സയ്‌ക്കാണ്‌ ഇവരെ ഇപ്പോള്‍ വിധേയരാക്കിയിരിക്കുന്നത്‌.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
