ഗാസയില് ഇസ്രായേല് ആക്രമണം തുടരുന്നു ; 72 മരണം
ഗാസയില് രണ്ടു ദിവസമായി തുടരുന്ന ആക്രമണം ഇസ്രായേല് രൂക്ഷമാക്കി. കുട്ടികള് ഉള്പ്പെട എഴുപതോളം പാലസ്തീന് ഇസ്രായേല് വ്യോമാക്രമണത്തില് കൊല്ലപ്പെട്ടു. അഞ്ഞൂറോളം പേര്ക്ക് പരിക്കേറ്റിട്ടുണ്ട്. മരിച്ചവരില് കൂടുതലും കുട്ടികളാണ്. ഗാസയിലെ ഇരുന്നൂറോളം സ്ഥലങ്ങളില് ഇന്നലെ ആക്രമണം നടത്തിയതായി ഇസ്രായേല് വൃത്തങ്ങള് അറിയിച്ചു.
ഇസ്രായേലിന്റെ വിവിധ ഭാഗങ്ങളിലേക്ക് ഗാസയിലെ ഹമാസ് പോരാളികള് റോക്കറ്റാക്രമണം നടത്തി. അതെസമയം ഇരുകൂട്ടരും സംയമനം പാലിക്കണമെന്നും പ്രതികാര നടപടികള് നിര്ത്തണമെന്നും ഐക്യരാഷ്ട്ര സംഘടന ജനറല് സെക്രട്ടറി ബാന് കിമൂണ് ആവശ്യപ്പെട്ടു. സൈനിക നടപടികള് ഉടന് അവസാനിപ്പിക്കണമെന്ന് പാലസ്തീന് പ്രസിഡന്റ് മഹമൂദ് അബ്ബാസ് ആവശ്യപ്പെട്ടു.
കഴിഞ്ഞ മാസം 12ന് ഇസ്രായേല് പൗരന്മാരായ മൂന്നു കൗമാരപ്രായക്കാരെ തട്ടിക്കൊണ്ടുപോയതുമായി ബന്ധപ്പെട്ട് ഉടലെടുത്ത സംഘര്ഷമാണ് പുതിയ സംഭവ വികാസങ്ങള്ക്ക് കാരണം. കാണാതാ.യ മൂവരെയും പിന്നീട് കൊ ല്ലപ്പെട്ട നിലയില് കണ്ടെത്തുകയുണ്ടായി. ഇതിനു പിന്നില് ഹമാസ് ആണെന്ന് ആരോപിച്ചാണ് ഇസ്രായേല് ആക്രമണം ആരംഭിച്ചത്.
2007 മുതല് ഇസ്രായേല് ഉപരോധത്തില് കഴിയുന്ന ഗാസ മേഖല ദാരിദ്ര്യവും ചികിത്സാ സൗകര്യങ്ങളുടെ അഭാവവുമെല്ലാം കാരണം ദുരിതത്തിലാണ്.
https://www.facebook.com/Malayalivartha