ഗാസയ്ക്ക് നേരെ ഇസ്രായേല് കരായാക്രമണം ആരംഭിച്ചു; കൊല്ലപ്പെട്ട പലസ്തീനികളുടെ എണ്ണം 160 ആയി
ഗാസയ്ക്ക് നേരെ ഇസ്രായേല് കരായാക്രമണം ആരംഭിച്ചു. ഗാസയില് ഇസ്രയേല് സേന നടത്തിയ ആക്രമണങ്ങളില് കൊല്ലപ്പെട്ട പലസ്തീനികളുടെ എണ്ണം 160 ആയി. വെടിനിര്ത്തലിനായി ലോകം മുഴുവന് ആവശ്യപ്പെട്ടു കൊണ്ടിരിക്കുന്നതിനിടെയാണ് ഇസ്രായേല് കരയാക്രമണത്തിനും തുടക്കമിട്ടിരിക്കുന്നത്. ഞായറാഴ്ച്ച ഉച്ചയോടെയായിരുന്നു ഇസ്രായേലിന്റെ ആക്രമണം. ഹമാസിന്റെ റോക്കറ്റ് ലോഞ്ചിങ് സൈറ്റ് ഇസ്രായേല് തകര്ത്തു. ഇതിനിടയില് നാല് ഇസ്രായേല് സൈനികര്ക്ക് പരിക്കേറ്റതായി ഇസ്രായേല് വൃത്തങ്ങള് അറിയിച്ചു. അന്താരാഷ്ട്ര മാനുഷിക നിയമങ്ങള് പാലിക്കണമെന്നും സാധാരണക്കാര്ക്ക് ജീവനാശം വരുത്തരുതെന്നും യു.എന്. രക്ഷാ സമിതി ഇസ്രയേലിനോടും ഹമാസിനോടും ആവശ്യപ്പെട്ടു. ഗാസയില് കരയാക്രമണം നടത്തുമെന്ന് ഇസ്രായേല് നേരത്തേ മുന്നറിയിപ്പ് നല്കിയിരുന്നു. ഇതിനോടനുബന്ധിച്ച് ഗാസയിലെ വടക്കന് മേഖലകളിലുള്ള ജനങ്ങളോട് പ്രദേശം വിട്ടുപോകാനാവശ്യപ്പെട്ട് ലഘു ലേഖ വിതരണം ചെയ്തിരുന്നു. ഇസ്രായേലിന്റെ മുന്നറിയിപ്പിനെ തുടര്ന്ന് ആയിരക്കണക്കിന് പലസ്തീനികളാണ് പാര്പ്പിടം ഉപേക്ഷിച്ച് പാലായനം ചെയ്യുന്നത്. കരയുദ്ധത്തിനുള്ള മുന്നൊരുക്കമെന്ന നിലയില് ഗാസാ അതിര്ത്തിയില് സൈനിക വിന്യാസം തുടരുകയാണ് ഇസ്രയേല്. വടക്കന് ഗാസയിലെ പലസ്തീനികളോട് വീടുകള് ഉപേക്ഷിച്ചു പോകണെന്ന് സൈന്യം ആവശ്യപ്പെട്ടിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha