ഐഎസ്ഐഎസ് തീവ്രവാദികള് ഒരു കുടുംബത്തിലെ ഏഴു പേരെ വധിച്ചു
സിറിയയിലെ ഹമാ പ്രവിശ്യയില് ഐഎസ്ഐഎസ് തീവ്രവാദികള് ഒരു കുടുംബത്തിലെ ഏഴുപേരെ വധിച്ചു. ഷിയ വിഭാഗത്തിലെ ഇസ്മയിലി ഉപവിഭാഗത്തില്പ്പെട്ടവരാണിവര്. പതിമൂന്നും പതിനഞ്ചും വയസ്സുള്ള രണ്ടു കുട്ടികളും കൊല്ലപ്പെട്ടവരില്പെടും. ഇവരെ വെടിവച്ചും കത്തി ഉപയോഗിച്ചുമാണ് കൊലപ്പെടുത്തിയിരിക്കുന്നത്. നിരവധി വീടുകള്ക്കു നേരെ ആക്രമണവുമുണ്ടായി.
ഇതിനിടെ, ഐഎസ്ഐഎസും സൈന്യവും തമ്മില് തുടരുന്ന ഏറ്റുമുട്ടലുകളില് 44 പേര് കൊല്ലപ്പെട്ടു. ഡമാസ്കസിനടുത്തു വിമതരുടെ നിയന്ത്രണത്തിലുള്ള ദൗമ, ബത്ന പട്ടണങ്ങളില് സൈന്യം നടത്തിയ വ്യോമാക്രമണത്തില് 32 പേരും വിമതരുടെ പീരങ്കി ആക്രമണങ്ങളില് ഷഗൂര്, ബൊസ്താന് അല് ദുര്, ദൗവിലാ ജില്ലകളില് 12 പേരുമാണ് കൊല്ലപ്പെട്ടത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha