സ്കോട്ട്ലാന്റ് ഹിതപരിശോധന: സ്കോട്ട്ലാന്റ് സ്വതന്ത്രരാഷ്ട്രമാക്കേണ്ട, 55 ശതമാനത്തിലധികം പിന്തുണ
ഹിതപരിശോധന ഫലം പുറത്തു വന്നപ്പോള് സ്കോട്ട്ലാന്റ് ബ്രിട്ടനൊപ്പം തന്നെ. 55 ശതമാനത്തിലധികം ആളുകളാണ് സ്കോട്ട്ലാന്റ് വേര്പിരിയരുതെന്ന അഭിപ്രായം പ്രകടിപ്പിച്ചത്. വോട്ടണ്ണല് ആരംഭിച്ചപ്പോള് മുതല് ഐക്യവാദികള് വ്യക്തമായ മുന്തൂക്കം കാണിച്ചിരുന്നു.
നാലു കൗണ്സിലുകള് മാത്രമാണ് സ്വതന്ത്രമാകണമെന്ന് അഭിപ്രായപ്പെട്ടത്. 1,39,788 പേര് സ്കോട്ട്ലാന്റ് ബ്രിട്ടനൊപ്പം നില്ക്കണമെന്ന് അഭിപ്രായപ്പെട്ടു. അതായത് 55 ശതമാനത്തോളം ആളുകള്. അതേസമയം, 1,14,148 (45%) ത്തോളം പേര് സ്വതന്ത്രമാകണമെന്ന് അഭിപ്രായപ്പെട്ടു. ആകെ 32 കൗണ്സിലുകളാണ് അഭിപ്രായവോട്ടെടുപ്പില് പങ്കെടുത്തത്.ഫലം പ്രഖ്യാപിച്ച ക്ലര്ക്മാന്ഷെയറില് കൗണ്സിലില് 54 ശതമാനവും ഓര്ക്നിയില് 67 ശതമാനവും ഷെട് ലാന്ഡില് 64 ശതമാനവും ഇല്യന്സയറില് 53 ശതമാനം പേരുമാണ് വിഭജനത്തെ എതിര്ത്തത്.
ബ്രിട്ടന്റെ ഭാഗമായ സ്കോട്ട്ലാന്റ് വേറിട്ടു സ്വതന്ത്രരാജ്യമാകണോ എന്നു തീരുമാനിക്കുന്ന ഹിതപരിശോധനയില് സ്കോട്ലന്ഡിലെ 43 ലക്ഷം വോട്ടര്മാരില് 97 ശതമാനവും വോട്ടു രേഖപ്പെടുത്താന് റജിസ്റ്റര് ചെയ്തിരുന്നു. 5000 പോളിങ് സ്റ്റേഷനുകളില് നടന്ന വോട്ടെടുപ്പ് ഇന്ത്യന് സമയം പുലര്ച്ചെ രണ്ടുവരെ നീണ്ടു.
തിരഞ്ഞെടുപ്പിനു തൊട്ടുമുന്പു ടൈംസ്, സണ് ദിനപത്രങ്ങള്ക്കായി നടത്തിയ അഭിപ്രായ സര്വേ പ്രകാരം ഐക്യബ്രിട്ടനു വേണ്ടി വാദിക്കുന്നവര്ക്കു നേരിയ മുന്തൂക്കമുണ്ട്. സര്വേയില് പങ്കെടുത്ത 52 ശതമാനം പേര് സ്കോട്ട്ലാന്റ് ബ്രിട്ടന്റെ ഭാഗമായി തുടരണമെന്ന അഭിപ്രായക്കാരാണ്. സ്വതന്ത്രരാഷ്ട്രവാദികള് 48 ശതമാനമേയുള്ളൂ. 1707ല് ആണു സ്കോട്ലന്ഡും ഇംഗ്ലണ്ടും ലയിച്ചു ഗ്രേറ്റ് ബ്രിട്ടനായത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha