ഐഎസിനെതിരെ സിറിയയിലും പടയൊരുക്കം നടത്താന് യുഎസ് പദ്ധതി
ഇസ്ലാമിക് സ്റ്റേറ്റ് തീവ്രവാദികളെ തുരത്താന് ഇറാഖിനു പിന്നാലെ സിറിയയിലും പടയൊരുക്കം നടത്താന് യുഎസ് പദ്ധതി. ഇതിന് യുഎസ് പ്രസിഡന്റ് ബറാക് ഒബാമയ്ക്ക് സര്ക്കാര് പിന്തുണ. 500 മില്യണ് ഡോളറിന്റെ സൈനിക പദ്ധതിയാണ് യുഎസ് കോണ്ഗ്രസ് അനുവദിച്ചത്.
അറബ് രാജ്യങ്ങളും ബ്രിട്ടണും ഫ്രാന്സും ഇക്കാര്യത്തില് അമേരിക്കയ്ക്ക് ഒപ്പമുണ്ട്. ഇറാഖിലും സിറിയയിലും കരയാക്രമണത്തിന് താത്പര്യമില്ലെന്ന് യുഎസ് അറിയിച്ചിട്ടുണ്ട്. വ്യോമാക്രമണത്തിലൂടെ തന്നെ ഭീകരത തുടച്ചു നീക്കാമെന്ന പ്രതീക്ഷയിലാണ്.
ഐഎസ് ഭീകരരെ നേരിടുന്നതിനുള്ള പ്രത്യേക പരിശീലനം ഇറാഖ് സൈന്യത്തിന് യുഎസ് നല്കി വരുന്നുണ്ട്. കരയാക്രമണത്തിനു പകരം സഖ്യ കക്ഷികളുമായി ചേര്ന്നുള്ള വ്യോമാക്രമണത്തിലൂടെ തന്നെ ഐഎസിനെ കീഴ്പ്പെടുത്തുവാന് കഴിയുമെന്നാണ് യുഎസ് പ്രതീക്ഷ.
ഓഗസ്റ്റ് മുതല് തന്നെ യുഎസ് സൈന്യം ഇറാഖില് വിമത കേന്ദ്രങ്ങളില് ആക്രമണം നടത്തുന്നുണ്ട്. സിറിയന് പ്രസിഡന്റ് ബാഷര് അല് അസ്ഹറുമായുള്ള അഭിപ്രായ വ്യത്യാസങ്ങള് മൂലം യുഎസിന് സിറിയയില് ഇതുവരെ ശക്തമായ ആക്രമണം തുടങ്ങാനായിട്ടില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha