വത്തിക്കാനില് ബാല ലൈംഗിക പീഡനത്തിന് ഉന്നത ഉദ്യോഗസ്ഥന് അറസ്റ്റില്
ബാല ലൈംഗിക പീഡനത്തിന്റെ പേരില് വത്തിക്കാനില് ഉന്നത ഉദ്യോഗസ്ഥനെതിരെ നടപടി. വത്തിക്കാന് മുന് ഡൊമിനിക്കന് റിപ്പബ്ലിക് അംബാസഡര് ജോസെഫ് വീസോലൗസ്കിയ്ക്കെതിരെയാണ് നടപടിയുണ്ടായത്. ഇദ്ദേഹത്തെ വീട്ടുതടങ്കലില് പാര്പ്പിക്കാനാണ് വത്തിക്കാന് ക്രിമിനല് കോടതിയുടെ ഉത്തരവ്.
ആരോഗ്യസ്ഥിതി മുന്നിര്ത്തിയാണ് വീട്ടുതടങ്കലിലേക്ക് മാറ്റിയത്. ഇയാള്ക്കെതിരായ വിചാരണ ഈ വര്ഷം അവസാനം നടന്നേക്കും. മുന് ആര്ച്ച് ബിഷപ്പ് കൂടിയായ ജോസെഫ് കുറ്റക്കാരനാണെന്ന് കണ്ടെത്തിയ വത്തിക്കാന് ചര്ച്ച് ട്രൈബ്യൂണല് ജൂണില് ഇദ്ദേഹത്തിന്റെ പൗരോഹിത്യ അധികാരം പിന്വലിച്ചിരുന്നു.
പോളണ്ട് സ്വദേശിയായ ജോസെഫ് അഞ്ചു വര്ഷത്തോളം ഡൊമിനിക്കന് റിപ്പബ്ലിക്കിലെ നയതന്ത്ര പ്രതിനിധിയായിരുന്നു. ഈ കാലയളിവില് തദ്ദേശീയരായ ആണ്കുട്ടികളെ പ്രകൃതിവിരുദ്ധ പീഡനത്തിന് ഉപയോഗിച്ചുവെന്നാണ് കുറ്റം.
കുട്ടികള്ക്കെതിരായ പീഡനത്തെ ശക്തമായി എതിര്ക്കുന്ന ഫ്രാന്സീസ് മാര്പാപ്പ അധികാരത്തിലെത്തിയ ശേഷം വത്തിക്കാന് സഭയുടെ ഔദ്യോഗിക പദവികള് വഹിക്കുന്ന നിരവധി പേര്ക്കെതിരെ നടപടി ശക്തമാക്കിയിരുന്നു. ഇത്തരം കുറ്റകൃത്യങ്ങള്ക്കിരായ ശിക്ഷയും വര്ധിപ്പിച്ചിരുന്നു. ബാലപീഡനത്തെ സാത്താന് ആരാധനയോടാണ് മാര്പാപ്പ താരതമ്യപ്പെടുത്തിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha