യുഎസ് അറ്റോര്‍ണി ജനറല്‍ എറിക് ഹോള്‍ഡര്‍ രാജിവച്ചു
യു.എസ് അറ്റോര്‍ണി ജനറല്‍ എറിക് ഹോള്‍ഡര്‍ രാജിവച്ചു. ആറു വര്‍ഷം അധികാരത്തിലിരുന്ന ശേഷമാണ് ഹോള്‍ഡറുടെ രാജി. ആഫ്രോ അമേരിക്കന്‍ വംശജനും ഒബാമയുടെ അടുത്ത സുഹൃത്തുമാണ് ഹോള്‍ഡര്‍.
പകരം തത്സഥാനത്തേക്ക് രണ്ട് ഇന്ത്യന്‍ വംശജരെ പരിഗണിക്കുന്നതായി റിപ്പോര്‍ട്ടുണ്ട്. പ്രമുഖ അഭിഭാഷകരായ പ്രീത് ഭരാര, കമല ഹാരീസ് എന്നിവര്‍ക്കാണ് സാധ്യത നിലനില്‍ക്കുന്നത്. എന്നാല്‍ അറ്റോര്‍ണി ജനറലാകാന്‍ താല്‍പര്യമില്ലെന്ന് കാലിഫോര്‍ണിയ അറ്റോര്‍ണി ജനറല്‍ കൂടിയായ കമല ഹാരീസ് അറിയിച്ചു. പ്രമുഖ ഓഹരി തട്ടിപ്പ്‌കേസില്‍ പ്രോസിക്യൂട്ടറായിരുന്നു ഭരാര.
ഇന്ത്യന്‍ വംശജന്‍ റിക് വര്‍മ്മയെ ഇന്ത്യന്‍ അംബാസഡറായി നിയമിച്ചതിനു പിന്നാലെയാണ് നിര്‍ണായക പദവിയില്‍ വീണ്ടും ഇന്ത്യന്‍ സാന്നിധ്യം തേടുന്നത്.അതേസമയം, മസാച്യുസെറ്റ്‌സ് ഗവര്‍ണര്‍ ദേവല്‍ പാട്രികിനെയും പരിഗണിക്കുന്നതായി റിപ്പോര്‍ട്ടുണ്ട്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
