ആപ്പിളും പറയുന്നു ഐ ഫോണ് 6 വളയുന്നുണ്ട്! ഓഹരിവിപണിയില് കമ്പനിക്ക് തിരിച്ചടി
ഒടുവില് ആപ്പിള് കമ്പനി അംഗീകരിച്ചു ഐ ഫോണ് 6 വളയുന്നുണ്ടെന്ന യാഥാര്ഥ്യം. ഏറെ കാത്തിരിപ്പിനൊടുവിലാണ് സ്റ്റാറ്റസ് സിംബലായി കൊണ്ടുനടക്കാന് ഐ ഫോണ് 6 പുറത്തിറങ്ങിയത്. ആദ്യം ഫോണ് കിട്ടിയവര്ക്ക് വിവിഐപി പരിവേഷമായിരുന്നു. എന്നാല് ഒരാഴ്ച തികയും മുമ്പ് ഫോണിനെ കുറിച്ച് പരാതി വന്നു തുടങ്ങി. ഫോണ് വളയുന്നുണ്ടെന്നായിരുന്നു ഈ പരാതി. ആദ്യം ആപ്പിള് സമ്മതിച്ചു തന്നില്ലെങ്കിലും ഒടുവില് അവര്ക്ക് യാഥാര്ഥ്യം അംഗീകരിക്കേണ്ടി വന്നു.
ഏറെ നേരം പാന്റിന്റെ പോക്കറ്റിലിട്ടുകൊണ്ട് ഇരിക്കുകയോ നടക്കുകയോ ചെയ്താലോ പോക്കറ്റിലിട്ട് ഡ്രൈവ് ചെയ്താലോ ഐ ഫോണ് 6 ന് ചെറിയ വളവ് ഉണ്ടാകുന്നുണ്ടെന്ന് വ്യാപകമായി പരാതി ഉയര്ന്നിരുന്നു. ഇക്കാര്യമാണ് ഇപ്പോള് ആദ്യമായി കമ്പനി സമ്മതിച്ചത്.
ആപ്പിള് കമ്പനി വക്താവ് വാര്ത്താ ഏജന്സിയായ എഎഫ്പിക്ക് അയച്ച ഇ മെയില് സന്ദേശത്തിലാണ് ഫോണ് വളയുന്ന കാര്യം സമ്മതിച്ചത്. സ്റ്റെയിന്ലെസ് സ്റ്റീലും ടൈറ്റാനിയവുമാണ് ഫോണ് നിര്മാണത്തിന് ഉപയോഗിച്ചിരിക്കുന്നത്. ഇതാകാം ഫോണ് വളയാനുള്ള കാരണമെന്ന് കമ്പനി പറയുന്നു. ഐ ഫോണ് 6 ന്റെ വളയല് പ്രതിഭാസത്തെക്കുറിച്ച് ഗാഡ്ജറ്റ് വെബ്സൈറ്റുകളിലും സോഷ്യല് മീഡിയകളിലും യൂ ട്യൂബിലും ചിത്രങ്ങളും വീഡിയോകളുമായി നിരവധി പരാതികളാണ് പരക്കുന്നത്.
പുതുതായി ഇറക്കിയ ഐ ഫോണ് 6 പ്ലസിനെകുറിച്ചാണ് കൂടുതല് പരാതികള് വന്നത്. ഇതിനിടെയാണ് കമ്പനി പരാതിയില് കഴമ്പുണ്ടെന്നു സമ്മതിച്ചിരിക്കുന്നത്. എന്നാല് ചില ഫോണുകളില് മാത്രമാണ് ഇത്തരം പ്രശ്നങ്ങളുള്ളതെന്നും വില്പന തുടങ്ങിയശേഷം ഇതുവരെയായി ഒന്പതു പരാതികള് മാത്രമാണ് ലഭിച്ചിരിക്കുന്നതെന്നും കമ്പനി വ്യക്തമാക്കി.
ഏതായാലും ഇത് ക്മ്പനിക്ക് വന് തിരിച്ചടിയാണ് ഉണ്ടാക്കിയിരിക്കുന്നത്. വളയല് വാര്ത്ത പുറത്തുവന്നതോടെ ഫോണ് മുന്കൂര് ബുക്ക് ചെയ്ത പലരും ബുക്കിംഗ് കാന്സല് ചെയ്തു. സ്റ്റോക്എക്സ്ചേഞ്ചിലും കമ്പനിക്ക് തിരിച്ചടിയാണ്. പരാതി പ്രചരിച്ചുതുടങ്ങിയശേഷം അമേരിക്കന് ഓഹരിവിപണിയില് ആപ്പിളിന്റെ ഓഹരിമൂല്യം 3.8 ശതമാനമാണ് ഇടിഞ്ഞത്. അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha