ചലേ സാത്ത് സാത്ത് മന്ത്രവുമായി ഇന്ത്യ-യുഎസ് ചര്ച്ച ആരംഭിച്ചു
പ്രധാനമന്ത്രി നരേന്ദ്ര മോദിയും യുഎസ് പ്രസിഡന്റ് ബറാക് ഒബാമ ഉഭയകക്ഷി ചര്ച്ചയ്ക്ക് മുന്നോടിയായി അമേരിക്കയും ഇന്ത്യയും സംയുക്ത വിഷന് സ്റ്റേറ്റ്മെന്റ് പുറത്തിറക്കി. `ചലേ സാത്ത് സാത്ത്` അഥവാ ഒരുമിച്ച് മുന്നോട്ട് നീങ്ങാം എന്ന പേരിലാണ് ഇന്ത്യ, യുഎസ് വിദേശകാര്യവകുപ്പുകള് സംയുക്തമായി സ്റ്റേറ്റ്മെന്റ് പുറത്തിറക്കിയത്. പ്രധാനമന്ത്രി നരേന്ദ്ര മോഡിയും അമേരിക്കന് പ്രസിഡന്റ് ബറാക് ഒബാമയും തമ്മിലുള്ള കൂടിക്കാഴ്ച ഒന്നര മണിക്കൂര് നീണ്ടുനിന്നു.
നയതന്ത്രസാമ്പത്തിക കാര്യങ്ങള് കൂടിക്കാഴ്ചയില് സംസാര വിഷയങ്ങളായി.വൈറ്റ് ഹൗസില് പ്രസിഡന്റ് ഒബാമ മോദിക്കായി ഒരുക്കിയ അത്താഴവിരുന്നിനിടെയാണ് ഇരുവരും ചര്ച്ച നടത്തിയത്.
മോഡിക്കൊപ്പം വിദേശകാര്യമന്ത്രി സുഷമ സ്വരാജ്, ദേശീയ സുരക്ഷാ ഉപദേഷ്ടാവ് അജിത്ത് ഡോവല്, വിദേശകാര്യ സെക്രട്ടറി സുജാത സിംഗ്, ഇന്ത്യന് അംബാസിഡര് എസ് ജയ്ശങ്കര് എന്നിവരുമുണ്ടായിരുന്നു.
വന് നിക്ഷേപത്തിന് വഴിയൊരുക്കുന്ന ചര്ച്ചയില് മോഡി വാഗ്ദാനം ചെയ്തത് സാമ്പത്തിക പരിഷ്കാരങ്ങളും നികുതിയിളവുകളും ലഘൂകരിച്ച തൊഴില് നിയമങ്ങളുമാണ്. പകരം അടിസ്ഥാസൗകര്യ വികസനവും ഉത്പാദനമേഖലയിലെ നിക്ഷേപവും തൊഴിലവസരങ്ങളുടെ സൃഷ്ടിയുമാണ് വ്യവസായികളില് നിന്നും മോഡി ആവശ്യപ്പെട്ടത്. അമേരിക്കയിലെ 11 വന്കിട കമ്പനികളുടെ മേധാവികള് ചര്ച്ചയില് പങ്കെടുത്തിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha