വി.എസ്. അച്യുതാനന്ദന്‍ ഉള്‍പ്പെട്ട ഭൂമിദാനക്കേസില്‍ വിജിലന്‍സ്‌ ഉദ്യോഗസ്ഥനെ സ്വാധീനിക്കാന്‍ ശ്രമിച്ച വിവരാവകാശ കമ്മീഷണര്‍ കെ. നടരാജനെ സസ്‌പെന്റ്‌ ചെയ്‌തു. ഭൂമിദാനക്കേസ്‌ അന്യേഷിച്ച ഡി.വൈ.എസ്.പി. വി.ജി.കുഞ്ഞനെ നടരാജന്‍ സ്വാധീനിക്കാന്‍ ശ്രമിച്ചു എന്നതായിരുന്നു പരാതി. പരാതി ശരിയാണന്ന്‌ ബോധ്യപ്പെട്ടതായി വിജിലന്‍സ്‌ ഡയറക്‌ടര്‍ സര്‍ക്കാരിനെ അറിയിച്ചിരുന്നു. അതേതുടര്‍ന്നാണ്‌ സസ്‌പെന്റ്‌ ചെയ്യാനുള്ള ശുപാര്‍ശ ഗവര്‍ണര്‍ക്ക്‌ സര്‍ക്കാര്‍ സമര്‍പ്പിച്ചത്‌. ഈ ഫയലില്‍ ബാംഗ്ലൂര്‍ക്ക് എത്തിച്ചാണ് ഗവര്‍ണര്‍ എച്ച്.ആര്‍.ഭരദ്വാജിന്റെ ഒപ്പുവാങ്ങിയത്. നടരാജനെ സസ്‌പെന്‍ഡ് ചെയ്താലും വിവരാവകാശ കമ്മീഷണര്‍ സ്ഥാനത്ത് നിന്ന് നീക്കണമെങ്കില്‍ സുപ്രീംകോടതിയുടെ ഇടപെടല്‍ വേണം. സുപ്രീംകോടതി രജിസ്ട്രാര്‍ നടത്തുന്ന അന്വേഷണത്തിനുശേഷം മാത്രമേ വിവരാവകാശ കമ്മീഷണറെ മാറ്റാനാകൂ.