തലസ്ഥാന നഗരിക്ക് കാഴ്ചയുടെ വസന്തം സമ്മാനിക്കാന്‍ കേരളത്തിന്റെ രാജ്യാന്തര ചലച്ചിത്രോത്സവത്തിന് ഇന്ന് തിരി തെളിയും. നിശാഗന്ധിയില്‍ വൈകിട്ട് 5.30 ന് നടക്കുന്ന ഉദ്ഘാടനം മുഖ്യമന്ത്രി ഉമ്മന്‍ചാണ്ടി നിര്‍വഹിക്കും. ഇറ്റാലിയന്‍ സംവിധായകന്‍ മാര്‍ക്കോ ബലൂച്ചിയാണ് ചടങ്ങില്‍ വിശിഷ്ടാതിഥി. ഇറാന്‍ റിക്ലൂസ് സംവിധാനം ചെയ്ത ഡാന്‍സിങ് അറബ്‌സ് ആണ് ഉദ്ഘാടന ചിത്രം.
പതിനൊന്ന് തിയേറ്ററുകളിലായി 140ലധികം ചിത്രങ്ങള്‍ പ്രദര്‍ശിപ്പിക്കും. നിശാഗന്ധിയില്‍ സിനിമ പ്രദര്‍ശിപ്പിക്കുന്നതിനൊപ്പം കൈരളിയിലും ഡാന്‍സിംഗ് അറബ്‌സ് പ്രദര്‍ശിപ്പിക്കും. നാളെ 50 ചിത്രങ്ങളാണ് പ്രദര്‍ശിപ്പിക്കുക. ലോകസനിമാ വിഭാഗം, ഇന്ത്യന്‍ സിനിമാ വിഭാഗം, മലയാള സിനിമ ഇന്ന്, ചൈനീസ് ഫ്രഞ്ച് കാഴ്ചകള്‍ ജൂറി ചിത്രങ്ങള്‍, മത്സരവിഭാഗം എന്നീ ഇനങ്ങളിലാണ് പ്രദര്‍ശനം.100 വര്‍ഷങ്ങള്‍ പൂര്‍ത്തിയാക്കിയ തുര്‍ക്കി സിനിമയാണ് കണ്‍ട്രി ഫോക്കസ്. അതുല്യ ചലച്ചിത്ര പ്രതിഭകളുടെ ചിത്രങ്ങള്‍ കണ്ടംപററി മാസ്‌റ്റേഴ്‌സ് വിഭാഗത്തിലും ഉള്‍പ്പെടുത്തി.
ഡെലിഗേറ്റുകള്‍ പ്രവേശനത്തിന് മുന്‍കൂട്ടി റിസര്‍വ് ചെയ്യേണ്ടതില്ല. എന്നാല്‍, തിയേറ്ററിലെ കൗണ്ടറുകളില്‍ ക്യൂ നിന്ന് മുന്‍ഗണനാ ക്രമത്തില്‍ ടിക്കറ്റെടുക്കണം.ഓണ്‍ലൈന്‍ റിസര്‍വേഷന്‍ സൗകര്യം ഇന്ന് മുതല്‍ ലഭിക്കും. ഡെലിഗേറ്റുകള്‍ക്ക് 12 മുതല്‍ ഓണ്‍ലൈനായി സീറ്റ് റിസര്‍വ് ചെയ്യാം. ഒരാള്‍ക്ക് പരമാവധി മൂന്ന് ചിത്രങ്ങള്‍ക്കാണ് റിസര്‍വ് ചെയ്യാവുന്നത്.
മീഡിയാ സെല്ലിന്റെ ഔപചാരിക ഉദ്ഘാടനം 12ന് രാവിലെ 11.30ന് കൈരളി തിയേറ്ററില്‍ നടക്കും. ഉദ്ഘാടന ചടങ്ങില്‍ മന്ത്രി തിരുവഞ്ചൂര്‍ രാധാകൃഷ്ണന്‍ അധ്യക്ഷനാകും. സംവിധായകന്‍ അടൂര്‍ ഗോപാലകൃഷ്ണന്‍ , മന്ത്രി വി.എസ്. ശിവകുമാര്‍, എം.എല്‍.എ.മാരയ കെ.മുരളീധരന്‍, എം.എ. ബേബി, മേയര്‍ കെ. ചന്ദ്രിക, ചലച്ചിത്രസാമൂഹ്യരാഷ്ര്ടീയ രംഗത്തെ പ്രമുഖര്‍, മാധ്യമ പ്രവര്‍ത്തകര്‍ തുടങ്ങിയവര്‍ പങ്കെടുക്കും. ഡാന്‍സിങ് അറബ്‌സിലെ നടന്‍ തൗഫിക് ബാറോയും ഉദ്ഘാടന ചടങ്ങില്‍ പങ്കെടുക്കുന്നുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha