കവിതാ വിവാദം :എ.ഡി.ജി.പി ബി.സന്ധ്യയോട് ഡി.ജി.പി വിശദീകരണം തേടി
കവിത വിവാദത്തില് എ.ഡി.ജി.പി ബി.സന്ധ്യയോട് ഡി.ജി.പി വിശദ്ീകരണം തേടി. ഒരു വാരികയില് ബി. സന്ധ്യ `എനിക്ക് ഇങ്ങനെയേ ആവാന് കഴിയൂ' എന്ന പേരിലെഴുതിയ കവിതയാണ് വിമര്ശനത്തിന് വഴിവെച്ചിരിക്കുന്നത്. രാഷ്ട്രീയക്കാരെയും മാധ്യമപ്രവര്ത്തകരെയും കവിതയില് അധിക്ഷേപിച്ചു എന്നാണ് സന്ധ്യക്കെതിരായ ആരോപണം. കവിത പ്രസിദ്ധീകരിച്ചുവരികയും ചര്ച്ചയാകുകയും ചെയ്തതോടെയാണ് ഡിജിപി കെ.എസ് ബാലസുബ്രഹ്മണ്യം വിശദീകരണം തേടിയത്. പോലീസ് ഉദ്യോഗസ്ഥര്ക്ക് സാഹിത്യ സൃഷ്ടി നടത്തുന്നതിന് സര്വീസ് ചട്ടം തടസമല്ല. എന്നാല് സമൂഹവുമായി ബന്ധപ്പെട്ട് പ്രവര്ത്തിക്കുന്നവരെ ആക്ഷേപിക്കുന്ന എഡിജിപിയുടെ വരികള് സാഹിത്യഗണത്തില് പരിഗണിക്കാവുന്നതല്ലെന്ന വിലയിരുത്തലിനെ തുടര്ന്നായിരുന്നു വിശദീകരണം തേടിയത്. അടുത്തിടെ പോലീസ് ട്രെയിനികളുടെ പരിശീലന ക്യാമ്പില് ഒരു ട്രെയിനി തന്റെ നേര്ക്ക് തോക്കു ചൂണ്ടിയെന്ന് ആരോപിച്ച് ബി. സന്ധ്യ ക്ഷുഭിതയായി ഇറങ്ങിപ്പോയത് മാധ്യമങ്ങളില് വാര്ത്തയായിരുന്നു. ഇതിനു പിന്നാലെയാണ് പുതിയ സംഭവവും.
https://www.facebook.com/Malayalivartha