ടി.പി വധക്കേസിലെ ഗൂഢാലോചന സി.ബി.ഐ അന്വേഷിക്കണമെന്ന ആവശ്യവുമായി ആര്.എം.പി
അവസാനം ടി.പി വധത്തിലെ ഗൂഢാലോചന സി.ബി.ഐ അന്വേഷിക്കണമെന്ന ആവശ്യവുമായി റവല്യൂഷണറി മാര്ക്സിസ്റ്റ് പാര്ട്ടി (ആര്.എം.പി) രംഗത്തെത്തി. സി.ബി.ഐ അന്വേഷണം സംബന്ധിച്ച് ആര്.എം.പി നിയമോപദേശം തേടി. നിയമോപദേശത്തിന്റെ അടിസ്ഥാനത്തില് സുപ്രീം കോടതിയെ സമീപിക്കാനാണ് തീരുമാനമെന്ന് ചന്ദ്രശേഖരന്റെ ഭാര്യ കെ.കെ രമ അറിയിച്ചു.
ടി.പി വധക്കേസില് നിലവില് പിടിയിലായവര് ചെറുകിട നേതാക്കന്മാര് മാത്രമാണ്. സംസ്ഥാന തലത്തില് നടന്ന ഗൂഢാലോചന വെളിച്ചത്തു കൊണ്ടുവരുന്നതിനാണ് സി.ബി.ഐ അന്വേഷണം ആവശ്യപ്പെടുന്നതെന്നും രമ പറഞ്ഞു. കേസിലെ മിക്ക സാക്ഷികളും സി.പി.എം നേതാക്കളാണ്. ഇതില് തനിക്ക് സംശയം ഉണ്ടെന്നും അവര് സൂചിപ്പിച്ചു. കേസിലെ 280 സാക്ഷികളില് ഇതുവരെ 62 പേരെ വിസ്തരിച്ചിരുന്നു. ഇതില് 32 പേരും കൂറുമാറി. ഇതുകൂടാതെ 40 പേരെ വിസ്തരിക്കാതെ പ്രതിപട്ടികയില് നിന്ന് ഒഴിവാക്കി.
https://www.facebook.com/Malayalivartha