കേരളയാത്രയ്‌ക്ക്‌ ശേഷം ചെന്നിത്തല മന്ത്രിയാകുമോ? രമേഷിനെ മുഖ്യമന്ത്രി സ്വാഗതം ചെയ്‌തു
കുറേ നാളുകളായി പറഞ്ഞു കേള്‍ക്കുന്നതാണ്‌ കെപിസിസി പ്രസിഡന്റ്‌ രമേഷ്‌ ചെന്നിത്തല മന്ത്രിയാകുമെന്ന്‌. ഇപ്പം മന്ത്രിയാകുമെന്നൊക്കെ തോന്നിപ്പിച്ച അവസരത്തില്‍ എല്ലാവരേയും വെട്ടിലാക്കി ചെന്നിത്തലതന്നെ പിന്മാറി. അതോടെ എന്‍എസിഎസിന്റെ അരുമയായ ചെന്നിത്തല കാണപ്പെട്ട ശത്രുവായി. അതേസമയം ചെന്നിത്തല മന്ത്രിയാകുന്നത്‌ മുഖ്യമന്ത്രി ഉമ്മന്‍ ചാണ്ടിക്ക്‌ താത്‌പര്യമില്ലെന്ന്‌ ആരൊക്കെയോ പറഞ്ഞു പരത്തി. ഒരിടവേളയ്‌ക്ക്‌ ശേഷം എന്‍എസ്‌എസും എസ്‌എന്‍ഡിപിയും ഒരു പോലെ കോണ്‍ഗ്രസിനെ ശത്രുവായി കാണാന്‍ തുടങ്ങിയതോടെയാണ്‌ വീണ്ടും അവരുടെ താത്‌പര്യവും കൂടി കണക്കാക്കുന്നത്‌. ചെന്നിത്തല കേരളയാത്രക്കിടയ്‌ക്ക്‌ എന്‍എസ്‌എസ്‌ ജനറല്‍ സെക്രട്ടറി ജി. സുകുമാരന്‍ നായരെ കാണാന്‍ ശ്രമം നടത്തിയിരുന്നു. എന്നാല്‍ ചെന്നിത്തലയെ കാണാന്‍ താത്‌പര്യമില്ലെന്നാണ്‌ സുകുമാരന്‍ നായര്‍ പറഞ്ഞത്‌.
ഈയൊരു സാഹചര്യത്തിലാണ്‌ മുഖ്യമന്ത്രി ഉമ്മന്‍ ചാണ്ടി ചെന്നിത്തലയുടെ മന്ത്രിസഭാ പ്രവേശനത്തെപ്പറ്റി പറഞ്ഞത്‌.
രമേഷിനെ മന്ത്രി സഭയിലേക്ക്‌ സ്വാഗതം ചെയ്യുകയാണെന്നും, ചെന്നിത്തലയ്‌ക്ക്‌ എപ്പോള്‍ വേണമെങ്കിലും മന്ത്രി സഭയിലേക്ക്‌ വരാമെന്നും മുഖ്യമന്ത്രി പറഞ്ഞു. രമേഷിന്റെ മന്ത്രിസഭാ പ്രവേശനം ഒരു തര്‍ക്ക വിഷയമേ അല്ലെന്നും, മന്ത്രിസഭയില്‍ ചേരുന്ന കാര്യത്തില്‍ അന്തിമ തീരുമാനം എടുക്കേണ്ടത്‌ അദ്ദേഹം തന്നെയാണെന്നും പറഞ്ഞു.
https://www.facebook.com/Malayalivartha
