വികസന കാര്യത്തില് രാഹുല് ഗാന്ധി ഗുജറാത്തിനെ ഓര്ത്തോ എന്തോ, കേരളം ഇനിയും മുന്നേറണം, അടിസ്ഥാന സൗകര്യങ്ങള് ഉണ്ടാകണം...
വികസന കാര്യത്തില് ഒരുനിമിഷം രാഹുല് ഗാന്ധി ഗുജറാത്തിനെ ഓര്ത്തോ എന്തോ. ഗുജറാത്തിനെ കുറിച്ച് സംസാരിച്ച് വെട്ടിലായ പല നേതാക്കളും കുടിങ്ങിയതും ഈ അടിസ്ഥാന വികസനം കേരളത്തിലില്ലെന്ന് പറഞ്ഞതിന്റെ പേരിലാണ്. അപ്പോഴെല്ലാം ഭരണ പ്രതിപക്ഷം ഒന്നുപോലെ പറഞ്ഞത് ഗുജറാത്തില് നിന്നും ഒന്നും പഠിക്കാനില്ലെന്നാണ്.
അടിസ്ഥാന സൗകര്യങ്ങളുടെ വികസനത്തിന്റെ കാര്യത്തില് കേരളം ഏറെ മുന്നോട്ടു പോകാനുണ്ടെന്നാണ് കോണ്ഗ്രസ് വൈസ് പ്രസിഡന്റ് രാഹുല്ഗാന്ധി പറഞ്ഞത്. കെ.പി.സി.സി പ്രസിഡന്റ് രമേശ് ചെന്നിത്തല നയിച്ച കേരള യാത്രയുടെ സമാപന ചടങ്ങില് സംസാരിക്കവെയാണ് അദ്ദേഹം ഇങ്ങനെ പറഞ്ഞത്.അന്താരാഷ്ട്ര നിലവാരമുള്ള അടിസ്ഥാന സൗകര്യങ്ങള് കേരളത്തില് ഉണ്ടാകണം.കേരളത്തിന്റെ വികസനത്തില് കേന്ദ്രസര്ക്കാരിന്റെ പിന്തുണ ഉറപ്പാക്കുമെന്ന് രാഹുല് ഗാന്ധി പറഞ്ഞു. കേരളയാത്രക്കിടെ ജനങ്ങള് ആവശ്യപ്പെട്ട പദ്ധതികള് യു.ഡി.എഫ് സര്ക്കാര് നടപ്പാക്കുമെന്നും അദ്ദേഹം പറഞ്ഞു.
എല്ഡിഎഫിന്റെ കാലത്തെ പണി തീരാത്ത പദ്ധതികള് ഇത്തവണ കേരളത്തില് കാണാന് കഴിഞ്ഞില്ല. ഇതിന് കാരണം യുഡിഎഫ് ഭരണത്തിന്റെ മികവ് കൊണ്ടാണ്. വിദേശി മലയാളികളാണ് ഇന്ത്യയുടെ സമ്പദ് വ്യവസ്ഥയുടെ കാതല്. വിദേശരാജ്യങ്ങളില് പ്രത്യേകിച്ചും ഗള്ഫിലെ വികസനങ്ങളുടെ പിന്നിലെ വിയര്പ്പ് മലയാളികളുടേതാണ്. എന്നാല് ഇപ്പോള് അനേകര്ക്കാണ് ഗള്ഫില് തൊഴില് നഷ്ടമായത്. കേരളത്തില് കൂടുതല് തൊഴില് അവസരങ്ങള് സൃഷ്ടിക്കാന് കഴിയണം.
വിഴിഞ്ഞം, സ്മാര്ട്സിറ്റി, മെട്രോ, മോണോ റയില്, കണ്ണൂര് വിമാനത്താവളം പദ്ധതികളുടെ കാര്യത്തില് വേഗത്തിലായ നടപടികള് നടത്താന് യുഡിഎഫ് സര്ക്കാരിന് കഴിഞ്ഞു. കോളേജുകള്ക്ക് സ്വയംഭരണാവകാശം നല്കാനുള്ള യുഡിഎഫ് സര്ക്കാരിന്റെ തീരുമാനം കേരളത്തിന്റെ വിദ്യാഭ്യാസ മേഖലയെ ഉന്നത നിലവാരത്തിലേക്ക് നയിക്കും. പുതിയ നൂറ്റാണ്ടിന് വേണ്ട രാഷ്ട്രീയം സാധാരണക്കാരുടെ പുരോഗമനം ലക്ഷ്യം വെച്ചുള്ളതാണ്. പട്ടികജാതി, പട്ടികവര്ഗ്ഗത്തില് പെട്ടവര് മത്സ്യബന്ധന തൊഴിലാളികള്, തൊഴിലാളികള് എന്നിവരുമായി നിരന്തരം ബന്ധിപ്പിക്കുന്ന രാഷ്ട്രീയമാണ് വേണ്ടത്. ചൈന പോലും വികസനത്തിന്റെ പാതയിലാണ്. കാലഹരണപ്പെട്ട ആശയമായ കമ്യൂണിസം ചൈന, റഷ്യ തുടങ്ങിയ ലോകരാജ്യങ്ങള് പോലും ഉപേക്ഷിച്ചെന്നും രാഹുല്ഗാന്ധി പറഞ്ഞു.
ലോക്സഭാ തിരഞ്ഞെടുപ്പില് കേരളത്തിലെ കോണ്ഗ്രസ് റെക്കോര്ഡ് വിജയം നേടുമെന്ന് പ്രതിരോധമന്ത്രി എ.കെ ആന്റണി പറഞ്ഞു. കേരളത്തിലെ കോണ്ഗ്രസ്സിന്റെ പ്രവര്ത്തനം ഇന്ത്യയിലെ കോണ്ഗ്രസിനുതന്നെ മാതൃകയാണ്. കോണ്ഗ്രസുമായി ബന്ധപ്പെട്ട മാധ്യമ വാര്ത്തകളില് ആശങ്കയില്ല. ഏത് പ്രതിസന്ധിയും മറികടക്കാനുള്ള മെയ്വഴക്കവും വിട്ടുവീഴ്ചാ മനോഭാവവും ഉള്ളവരാണ് ഉമ്മന്ചാണ്ടിയും രമേശ് ചെന്നിത്തലയുമെന്ന് അദ്ദേഹം കൂട്ടിച്ചേര്ത്തു.
കേന്ദ്രമന്ത്രി വയലാര് രവി, മുഖ്യമന്ത്രി ഉമ്മന്ചാണ്ടി, കെ.പി.സി.സി പ്രസിഡന്റ് രമേശ് ചെന്നിത്തല തുടങ്ങിയവരും മുതിര്ന്ന കോണ്ഗ്രസ് നേതാക്കളും ചടങ്ങില് പങ്കെടുത്തു.
https://www.facebook.com/Malayalivartha