ഉപമുഖ്യമന്ത്രിസ്ഥാനം ആവശ്യപ്പെട്ടിട്ടില്ലെന്ന് കെ.എം. മാണി, നയപരമായതിനാല് ഇക്കാര്യം തീരുമാനിക്കേണ്ടത് യുഡിഎഫ്
ഉപമുഖ്യമന്ത്രിസ്ഥാനം ആവശ്യപ്പെട്ടിട്ടില്ലെന്ന് കേരള കോണ്ഗ്രസ് എം നേതാവും ധനകാര്യമന്ത്രിയുമായ കെ.എം. മാണി പറഞ്ഞു. ഉപമുഖ്യമന്ത്രിസ്ഥാനം ഉള്പ്പെടുത്തിയുള്ള പുനസംഘടന ആലോചിച്ചിട്ടില്ല. നയപരമായതിനാല് യുഡിഎഫും മന്ത്രിസഭയും ചേര്ന്ന് ഇക്കാര്യം തീരുമാനിക്കുമെന്നും മാണി പറഞ്ഞു. ഇതിനെ സംബന്ധിച്ച് ഒരു ചര്ച്ചയും യുഡിഎഫില് നടന്നിട്ടില്ല. കോണ്ഗ്രസിലെ അസ്വാരസ്യങ്ങള് ഒന്നും യുഡിഎഫിനെ ബാധിക്കില്ലെന്നും അദ്ദേഹം പറഞ്ഞു.
കേരളത്തിലെ ഏറ്റവും മുതിര്ന്ന രാഷ്ട്രീയ നേതാവായ കെ.എം. മാണി തനിക്കും ഉപമുഖ്യമന്ത്രിസ്ഥാനത്തിന് അര്ഹതയുണ്ടെന്ന് നേരത്തെ പറഞ്ഞിരുന്നു.
മുസ്ലീം ലീഗിനും ഉപമുഖ്യമന്ത്രി സ്ഥാനത്തിന് അര്ഹതയുണ്ടെന്ന് അവരും വാദിച്ചു. ഇക്കാര്യം മന്ത്രി കെ.സി. ജോസഫും തുറന്നു പറഞ്ഞു. ഭൂരിപക്ഷത്തിന്റെ പകുതി പോലും സീറ്റില്ലാത്ത കോണ്ഗ്രസിനാണ് ഇപ്പോള് മുഖ്യമന്ത്രിയും ആഭ്യന്തരമന്ത്രിയുമെല്ലാമുള്ളത്. എന്നാല് പാരമ്പര്യം കൊണ്ടും അംഗബലം കൊണ്ടും ഒട്ടും പുറകിലല്ലാത്ത മുസ്ലീ ലീഗിനും കേരള കോണ്ഗ്രസിനും ഉപമുഖ്യമന്ത്രി സ്ഥാനത്തിന് അര്ഹതയുണ്ടെന്നുള്ള വസ്തുത കോണ്ഗ്രസിനുമറിയാം. അതാണ് ഈ ഒരു പ്രഖ്യാപനത്തെ കോണ്ഗ്രസുകാര് എതിര്ക്കാത്തത്.
https://www.facebook.com/Malayalivartha