ശമ്പളം പുതുക്കി നിശ്ചയിക്കണമെന്നാവശ്യപ്പെട്ട് സ്വകാര്യ ബസ് ജീവനക്കാര്‍ പ്രഖ്യാപിച്ച സമരം ബുധനാഴ്ച തുടങ്ങും. നിലവിലുള്ള പ്രതിമാസ വേതനത്തില്‍ നിന്ന് 5,000 രൂപയുടെ വര്‍ധന ആവശ്യപ്പെട്ടാണ് തൊഴിലാളികള്‍ പണിമുടക്കുന്നത്. എന്നാല്‍ നിലവിലുള്ള വേതനത്തില്‍ നിന്ന് 33 ശതമാനം വര്‍ധന വരുത്തി 2,000 രൂപ വര്‍ധിപ്പിക്കാമെന്നാണ് ഉടമകളുടെ നിലപാട്.

ബസ് തൊഴിലാളികള്‍ സമരം പ്രഖ്യാപിച്ച സാഹചര്യത്തില്‍ സര്‍ക്കാര്‍ നിശ്ചയിച്ച ഫെയര്‍വേജസ് കമ്മിറ്റി യോഗം ചൊവ്വാഴ്ച രാവിലെ തിരുവനന്തപുരത്ത് തുടങ്ങി. തൊഴില്‍ മന്ത്രി ഷിബു ബേബിജോണും സംസ്ഥാന ലേബര്‍ കമ്മീഷണറും ചര്‍ച്ചയില്‍ പങ്കെടുക്കുന്നുണ്ട്. തൊഴിലാളി യൂണിയനുകളുടെയും ഉടമകളുടെയും അഞ്ചുവീതം പ്രതിനിധികള്‍ യോഗത്തില്‍ പങ്കെടുക്കുന്നുണ്ട്.

 അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha