ചങ്ങനാശേരിയില് വ്യാജസിദ്ധന്റെ വിളയാട്ടം: പൂജയ്ക്കിടയില് യുവതി ഇറങ്ങി ഓടി
പൂജ നടത്തി അസുഖം ഭേദമാക്കാമെന്ന് പറഞ്ഞ് പണം തട്ടുന്ന വ്യാജ മന്ത്രവാദി തുരുത്തിയില് വിലസുന്നതായി ആക്ഷേപം. യുവതി മന്ത്രവാദകളത്തില്നിന്ന് ഇറങ്ങി ഓടിയതോടെയാണ് വ്യാജ സിദ്ധനെക്കുറിച്ച് പുറം ലോകമറിയുന്നത്. തുടര്ന്ന് നാടകീയ രംഗങ്ങളാണ് അരങ്ങേറിയത്.
കഴിഞ്ഞ ഞായറാഴ്ച രാത്രി ഏഴരയോടെ തുരുത്തിയിലാണ് സംഭവം. മണിമല സ്വദേശിയായ 22 കാരിയെ മാതാപിതാക്കള് തുരുത്തിയിലുള്ള ബന്ധു മുഖേനെ സിദ്ധന്റെ അരികിലെത്തിക്കുകയായിരുന്നു. തുടര്ന്ന് ചെമ്പട്ടും മന്ത്രാവദക്കളവും തീര്ത്ത് വ്യാജസിദ്ധന് പൂജയാരംഭിച്ചു. പൂജക്കിടയില് നടന്ന എന്തോ \'അനിഷ്ടം\' കാരണം ഭയന്ന് വിറച്ച പെണ്കുട്ടി മന്ത്രവാദക്കളത്തില് നിന്നും ജീവനും കൊണ്ടോടുകയായിരുന്നു. അപരിചിതമായ സ്ഥലവും രാത്രിയും വകനയ്ക്കാതെ തെരുവിലൂടെ ഓടിയ പെണ്കുട്ടി അരകിലോമീറ്റര് അകലെയുള്ള ഒരു വീട്ടിലെത്തി കിതച്ചു നിന്നു. അസ്വാഭികമായി വീട്ടിലെ പട്ടി നിര്ത്താതെ കുരയ്ക്കുന്നത് കേട്ട് ഇറങ്ങി വന്ന വീട്ടുകാര് കണ്ടത് മരണഭീതിയില് വിറയ്ക്കുന്ന പെണ്കുട്ടിയെയാണ്. തുടന്ന് നാട്ടുകാര്കൂടി യുവതിയോട് കാര്യങ്ങള് തിരക്കി. തങ്ങള് മണിമല സ്വദേശികളാണെന്നും ഇവിടെയുള്ള ഒരു ബന്ധു മുഖാന്തരം സിദ്ധനെ കാണാനെത്തിയതാണെന്നും യുവതി വെളിപ്പെടുത്തി.
ഇതോടെയാണ് ചുമട്ടു തൊഴിലാളിയായ അയല്വാസി സിദ്ധനായെന്ന വിവരം പ്രദേശവാസികള് പോലും അറിയുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha