ലുലുവിന് ഭൂമി നല്കാനുള്ള ചര്ച്ചയിലും ഉദ്ഘാടനത്തിലും പങ്കെടുത്തവരാണ് ഇപ്പോള് എതിര്ക്കുന്നതെന്ന് വി.എസ്.
ലുലു മാളിനെ എതിര്ക്കുന്ന സിപിഎം എറണാകുളം ജില്ലാകമ്മറ്റി നിലപാടിനെതിരെ പ്രതിപക്ഷ നേതാവ് വി.എസ്.അച്ചുതാനന്ദന്. ലുലുവിന് ഭൂമി നല്കാനുള്ള ചര്ച്ചയിലും ഉദ്ഘാടനത്തിലും പങ്കെടുത്തവരാണ് ഇപ്പോള് ആക്ഷേപം ഉന്നയിക്കുന്നതെന്ന് അദ്ദേഹം ആരോപിച്ചു. ലുലുമാളിന്റെ ഉദ്ഘാടനത്തിന് വി.എസിനൊപ്പം കോടിയേരി ബാലകൃഷ്ണനും പി.രാജീവുമൊക്കെ പങ്കെടുത്തതുമാണ്.
ലുലുവിന് ഭൂമി കൈമാറിയത് നിയമമനുസരിച്ചാണ്. ബോള്ഗാട്ടി പ്രശ്നം ചര്ച്ചയിലൂടെ പരിഹരിക്കണം. 4000 പേര്ക്ക് തൊഴില് ലഭിക്കുന്നത് നഷ്ടപ്പെടുത്താതിരിക്കുകയാണ് നല്ലത്. ലുലുവിന്റേത് മൂന്നാറിലെയും ആളന്മുളയിലെയും സാഹചര്യമല്ല. മൂന്നാറില് തൊഴിലാളികളുടെ സഹകരണ സംഘമുണ്ടാക്കി ടാറ്റ പിന്സീറ്റ് ഡ്രൈവിങ് നടത്തുകയാണ്. ആറന്മുളയിലേത് പമ്പയുടെ കരയിലുള്ള നല്ല കൃഷിസ്ഥലമാണെന്നും വി.എസ് പറഞ്ഞു.
വി.എസ്.മുഖ്യമന്ത്രിയായിരിക്കെ തദ്ദേശ മന്ത്രിയായിരുന്ന പാലോളി മുഹമ്മദ് കുട്ടിയും യൂസഫലിയെ അനുകൂലിച്ച് രംഗത്ത് വന്നിട്ടുണ്ട്. വി.എസ്.പക്ഷത്തുള്ള ചന്ദ്രന്പിള്ളയും ലുലുമാളിനെ അനുകൂലിച്ചിട്ടുണ്ട്. അതേസമയം, യൂസഫലിയെ എതിര്ക്കുന്ന ജില്ലാ കമ്മറ്റിയുടെ നിലപാടിന് പിന്തുണയുമായി സംസ്ഥാന സമിതി അംഗം എം.എം.ലോറന്സും പി.രാജീവ് എം.പി.യും രംഗത്തെത്തിയതാണ് വിവാദം കൊഴുക്കാനിടയാക്കിയത്.
https://www.facebook.com/Malayalivartha