റിപ്പര് ജയാനന്ദന്റെ വധശിക്ഷ: കേസിന്റെ വാദം വെള്ളിയാഴ്ച ആരംഭിക്കും
റിപ്പര് ജയാനന്ദനെ വധശിക്ഷയ്ക്ക് വിധിക്കപ്പെട്ട കേസിന്റെ വാദം വെള്ളിയാഴ്ച ഹൈക്കോടതിയില് ആരംഭിക്കും. ജഡ്ജിമാരായ കെ.ടി.ശങ്കരന്, ബാബു മാത്യു പി ജോസഫ് എന്നിവരങ്ങുന്ന ഡിവിഷന് ബെഞ്ചാണ് വാദം കേള്ക്കുന്നത്.
തൃശൂര് പുത്തന്വേലിക്കര നെടുമ്പള്ളില് വീട്ടില് അതിക്രമിച്ചു കയറി വീട്ടമ്മയെ കൊലപ്പെടുത്തുകയും ഭര്ത്താവിനെ ഗുരുതരമായി പരിക്കേല്പിക്കുകയും ചെയ്ത കേസില് എറണാകുളം അഡീഷണല് സെഷന്സ് കോടതി മൂന്നാണ് ജയാനന്ദനെ 2011 ഒക്ടോബര് 28ന് വധശിക്ഷയ്ക്ക് വിധിച്ചത്. വധശിക്ഷ ശരിവയ്ക്കുന്നതിനും ജയാനന്ദന്റെ അപ്പിലും സംബന്ധിച്ച വാദമാണ് ഹൈക്കോടതിയില് നടക്കുക. പ്രോസിക്യൂഷനു വേണ്ടി എഡിജിപി അഡ്വ.ടോം ജോസ് പടിഞ്ഞാറേക്കര കോടതിയില് ഹാജരാകും.
2006 ഒക്ടോബര് രണ്ടിനാണ് പുത്തന്വേലിക്കര നെടുമ്പള്ളി വീട്ടില് ദേവിക (49)യെ കൊലപ്പെടുത്തുകയും ഭര്ത്താവ് രാമകൃഷ്ണനെ (50) ഗുരുതരമായി പരിക്കേല്പിക്കുകയും ചെയ്തത്. രാമകൃഷ്ണന്റെ പിറന്നാള് ദിവസമായിരുന്നു അന്ന്. ക്ഷേത്രത്തില് ദീപാരാധന കഴിഞ്ഞ് മടങ്ങി വീട്ടില് ഉറങ്ങുമ്പോഴാണ് മോഷണത്തിനെത്തിയ പ്രതി മാള പൊയ്യ കറുപ്പന്പറമ്പില് ജയാനന്ദന് എന്ന ജയന് (39) ദമ്പതികളെ കമ്പിപ്പാരയും വാക്കത്തിയുമായി ആക്രമിച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha