സോളാര്ക്കേസില് അന്വേഷണക്കമ്മീഷന് മുന്പാകെ വിഎസ് ഇന്ന് മൊഴി നല്കും
പ്രതിപക്ഷ നേതാവ് വി.എസ്.അച്യുതാനന്ദന് ഇന്ന് സോളര് ജുഡീഷ്യല് കമ്മിഷന് മുന്പാകെ മൊഴിനല്കും. തിരുവനന്തപുരം തൈക്കാട് ഗസ്റ്റ് ഹൗസിലാണ് കമ്മിഷന്റെ സിറ്റിങ്. സോളര് വിവാദത്തില് എന്തെങ്കിലും കഴമ്പുണ്ടോയെന്നാണ് കമ്മിഷന് പരിശോധിക്കുന്നത്. ഇന്നലെ സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ മൊഴി രേഖപ്പെടുത്തിയിരുന്നു. നേരത്തെ പ്രതിപക്ഷ എംഎല്എമാരായ തോമസ് ഐസക്, വി.എസ്.സുനില്കുമാര്, പി.ശ്രീരാമകൃഷ്ണന് എന്നിവരില് നിന്നും കമ്മിഷന് തെളിവുകള് ശേഖരിച്ചിരുന്നു.
എന്നാല് സോളാര് വിവാദം വീണ്ടും സംസ്ഥാനത്ത് കത്തിപ്പടരുകാണ്. സോളാര്ക്കേസ് പ്രതിക്കായി മുഖ്യമന്ത്രി ഇടപെട്ടുവെന്ന് ഫോണ് സംഭാഷണം കഴിഞ്ഞ ദിവസം പുറത്ത് വന്നിരുന്നു. ഇതുമായി ബന്ധപ്പെട്ട് പ്രതിപക്ഷമടക്കം മുഖ്യമന്ത്രിക്കെതിരെ പ്രതിഷേധവുമായി രംഗത്തെത്തി.മുഖ്യമന്ത്രി രാജി വെയ്ക്കണമെന്ന് പ്രതിപക്ഷ ഉപനേതാവും സിപിഎം സംസ്ഥാന സെക്രട്ടറിയുമായി കൊടിയേരി ബാലകൃഷ്ണന് ആവശ്യപ്പെട്ടു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha